Candidates briefing, malampusong napahigayon sa Dinagat Islands
DINAGAT ISLANDS - Alang sa pagpasabot sa mga balaod ngadto sa mga aspirant candidates sa umaabot nga 2025 National and Local Elections (NLE) karong Mayo 12, nagmalapuson nga gipahigayon niadtong Marso 24 ang 2025 Candidates' Briefing pinaagi sa buhatan sa Commission on Elections (COMELEC) sa pagpanguna ni Provincial Election Supervisor Hazel Ivory R. Laud-Begyan sa Brgy. Justiniana Function Hall, San Jose, Dinagat Islands.
Usa-usang gipasabot ni San J ose Election Officer Angelie Mae S. Tan ang mahitungod sa Resolution No. 11086 - Rules and Regulaions Implementing Republic Act 9006, otherwise known as the "Fair Election Act" in connection with the May 2025 NLE.
Kini nga balaod adunay kalimbigitan sa lawful election propaganda, encouraged acts when campaigning, prohibited forms of election propaganda , removal or confiscation of prohibited propaganda materials, duties of election officers, public meetings, rallies or other political activities , e-rallies and livestreams allowed ug uban pa.
Sa dugang bahin, gipasabot usab ni Laud-Begyan ang mahitungod sa mga balaod sa "Kontra Bigay" o vote buying and vote selling diin tumong niini nga makahatag og patas nga pamalakad sa elekyon mapa naay kaya o wala ang maong nidagan nga kandidato.
Mipadayag usab siya og mensahe ngadto sa mga kandidato ug mga representante nga nakigduyog sa maong kalihukan nga musunod sa mga pahimangno atol sa pagpangampanya ug sa pagsumite sa eskedyul sa ilang mga pagabuhatong rally adisir pa man sa pagsugod sa campaign period alang sa malinawon nga pagpahigayon.
Atol niini nga kalihukan, anaa usab ang presensya sa mga DIPPO-PNP personnel, municipal election officer sa matag munisipyo ug uban pa. (Lorense Mae Nidea, PIO PDI/ PIA Dinagat Islands)
