Classroom building tukoron sa Sitio Zapanta, Kitcharao
DAKBAYAN SA BUTUAN -- Gikatakda na ang pagpirma ni Agusan del Norte Governor Ma. Angelica Rosedell M. Amante sa Inter-Local Agency Partnership (ILAP) tali sa kagamhanang probinsyal sa Agusan del Norte, LGU Kitcharao, ug Philippine Army pinaagi sa 52nd Engineer Brigade ug 902nd Infantry Brigade alang sa pagtukod sa one-storey nga four-classroom school building sa Sitio Zapanta Valley, Barangay Bangayan, Kitcharao.
Ang ILAP misuporta sa Executive Order 70 nga mao ang pag-institutionalize sa whole-of-nation approach sa gobeyerno sa tumong nga makab-ot ang kalinaw ug maundang ang local communist armed conflicts sa Mindanao.
Dako og tabang matod pa ang maong proyekto isip tubag sa pagtaas sa papolasyon sa mga studyante sa lugar.
Ang maong lakang gipalabang pinaagi sa Sangguning Resolution No.016-2025 sa Sangguniang Panlalawigan sa pagpaningkamot ni Bokal Dick Victor B. Carmona, tsirman sa Committee on Public Works, inabagan nila ni Bokal Ryan Jade D. Lim ug Bokal Rodulfo A. Pitogo kaniadtong Enero 21 sa ika-115 sesyon regular niini. (Ramil L. Pasco, PLGU Agusan del Norte/PIA-Agusan del Norte)
