DTI nagpahigayon og oryentasyon alang sa pagpa-accredit sa Service ug Repair Enterprises sa Agusan Sur
SAN FRANCISCO, Agusan del Sur – Ang Department of Trade and Industry (DTI) Agusan del Sur nagpahigayon og Service and Repair Enterprises (SRE) Accreditation Orientation didto sa Gender and Development (GAD) Building, Municipal Grounds, San Francisco, nixing probinsiya.
Ang maong oryentayon nga gipasiugdahan sa Consumer Protection Unit (CPU) sa DTI, gitumong aron masiguro ang pagtuman sa Presidential Decree No. 1572, nga nagmandar sa pagpa-accredit sa SREs alang sa seguridad sa mga konsumador ug aron masiguro ang kalidad nga serbisyo.
Gibahin ang aktibidad ngadto sa duha ka batch: ang morning session para sa SREs gikan sa Bayugan City, Trento, Sibagat, San Francisco, ug Esperanza, samtang ang afternoon session nakapokus sa mga negosyong nahimutang mismo sa San Francisco.
Supervising Trade and Industry Specialist Renato Corvera, nga hepe sa CPU, nanguna sa diskusyon kabahin sa proseso sa pagpa-accredit ug legal nga basehan niini, diin iyang gibug-atan ang kahinungdanon sa pagtuman alang sa seguridad sa konsumedor ug kalidad nga serbisyo.
Gidugangan ang diskusyon sa Senior Technical Education and Skills Development Specialist Cheryl Tizon, gikan sa Technical Education and Skills Development Authority (TESDA) Agusan del Sur, nga nagpahayag kabahin sa TESDA National Certifications (NCs) nga kinahanglan sa SREs.
May mga pangutana gikan sa mga partisipante bahin sa kakulangon sa small engine servicing assessment centers sa rehiyon. Gisaysay ni Tizon nga ang labing duol nga sentro nahimutang sa Davao ug gihatagan niya kasiguruhan nga ang TESDA motabang sa pag-validate sa mga dokumento aron mapadali ang proseso. Gi-awhag usab niya ang mga negosyo nga magtukod og assessment center sa lokal nga lugar diin ang TESDA motabang sa maong plano.
Sa laing bahin, gitubag ni Corvera ang mga pangutana bahin sa certification alang sa mga on-call technicians, diin iyang gipamatud-an nga mandatory ang NC II certification alang sa tanang technicians bisan unsa pa ang ilang employment arrangement.
Aron mas mapalig-on ang komunikasyon, ang DTI-CPU team nagmugna og group chat para sa tanang partisipante, nga magamit isip plataporma alang sa updates, pahinumdom, ug suporta sa pagtuman sa mga kinahanglanon. (DTI Agusan del Sur/PIA-Agusan del Sur)
