Pagpalig-on sa kaluwasan sa dakbayan, gipakusgan sa Butuan City Police Office
BUTUAN CITY – Malampusong gilunsad sa Butuan City Police Office (BCPO) and Barangay Anti-Criminality Action Plan niadtong Enero 20, sa Barangay Holy Redeemer isip pilot site.
Ang Barangay Anti-Criminality Action Plan (BACAP) usa ka proaktibong pamaagi aron matubag ang krimen sa pinaka-ubos nga lebel pinaagi sa pagpalig-on sa mga pakig-partner tali sa kapulisan, mga lokal nga yunit sa gobyerno (LGUs), mga opisyal sa barangay, ug mga miyembro sa komunidad.
Ubos sa BACAP mao ang pag-establisar sa pagtaas sa presensya ug visibility sa kapulisan, regular nga mga miting sa kaluwasan sa komunidad, ug mga edukasyonal nga workshop ug seminar nga nakatutok sa mga estratehiya sa pagpugong sa krimen, ug lakip usab ang paghatag og training ug suporta sa mga Barangay Tanod. PInaagi niini mapalambo ang kapasidad sa mga Barangay Tanod sa pagmintinar sa kalinaw ug kaayohan sa ilang tagsa-tagsa ka barangay.
“Pinaagi sa BACAP, among tuyo nga hatagan ug gahum ang mga barangay aron magpakaaktibo batok sa kriminalidad. Kini nga programa nagpakita nga ang pag-apil sa komunidad maoy yawe sa pagpadayon sa kaluwasan publiko, kalinaw, ug kaayohan,” sumala ni PCOL Rommel D. Villamor, hepe sa Butuan City Police Office.
Mipahayag usab og suporta si Efren T. Acaso, punong barangay sa Holy Redeemer isip pilot site, matud pa niya “Kumpiyansa kami nga pinaagi sa among pakigtambayayong sa BCPO ug ang aktibong pag-apil sa among barangay, makabuhat kami ug dakong epekto sa pagpakunhod sa krimen ug pagpalambo sa kalinaw ug kaayohan sa Barangay Holy Redeemer,”
Ang paglunsad sa BACAT sa Barangay Holy Redeemer gilauman nga mahimong modelo alang sa pagpatuman sa ubang mga barangay sa tibuok siyudad. Ang BCPO nagapaningkamot sa pagmonitor sa progreso niini nga inisyatibo ug maghimo og mga pagbag-o aron masiguro ang kaepektibo niini. (BCPO/MFC/PIA-Caraga)
