Agusan Norte referral system sa Butuan Doctors Hospital, gi-istablisar
DAKBAYAN SA BUTUAN -- Nakigpartner karon ang lokal nga panggamhanan sa Agusan del Norte ngadto sa Butuan Doctors’ Hospital (BDH) alang sa pag establisar niini og referral system inkaso dili available sa Provincial Hospital ang laboratory examination nga gikinahanglan sa usa ka pasyente sa nasangpit nga ospital.
Pinaagi sa usa ka kasabotan kun Memorandum of Agreement (MOA) nga gitakdang pirmahan ni Provincial Governor Ma. Angelica Rosedell M. Amante, kung dili available ang diagnostic services sa PHO i-refer kini sa BDH sama sa laboratory examinations computerized tomography scan, ultrasound, transvaginal, ug 2D echo. Sa maong kasabutan usab apil ang paghatag og diskwento sa mga kabus nga pasyente sa Provincial Hospital.
Andam nga mo-cater ang BDH sa mga referrals ug mo-extend sa ilang medical expertise ngadto sa mga pasyente isip partner sa gobyerno sa paghatag og serbisyo sa panglawas ngadto sa publiko ilabi na sa mga kabos.
Mahibaloan usab nga ang implementasyon niini epektibo sugod Enero 1 hangtud Disyembre 31, 2025.
Ang paghatag otoridad kang Gov. Amante sa pagpirma sa MOA pinaagi sa Sanggunian Resolution No. 005-2025 sa pagpangamahan ni Provincial Board Member James T. Reserva, ika-114 nga sesyon regular niadtong Enero 14. (SVGomez, PLGU Agusan del Norte/PIA-Agusan del Norte)
