Symposium sa HIV sa mga kabataan sa Loreto, Dinagat Islands, nagmalampuson
LORETO, Dinagat Islands --- Nagselebrar sa ika 8th Anniversary ang Loreto Organize LGBT Association (LOLA) pinaagi sa pagpahigayon ug Symposium and Awareness on HIV/AIDS/STIs to the Youth Today nga gipartisiparan kini sa mga estudyante sa Loreto Academy niadtong Nobyembre 26 sa Maximo Omandam Sports Complex.
Tumong niini ang pagpataas sa kahibalo ug pag edukar sa mga kabataan mahitungod sa human immunodeficiency virus (HIV), acquired immunodeficiency syndrome (AIDS) ug uban pang mga sexually transmitted infection (STI).
Gipasabot ni HIV/AIDS Peer Educator Tanya Restauro, isip resource speaker, kung unsa ang STI ug HIV/AIDS, ug unsang paagi aron malikayan ang pagpasa niini. Pag-ila sa paglikay sa pakighilawas ug sa husto nga makanunayon nga paggamit sa condom isip epektibong panalipod batok sa mga STI lakip na ang HIV, ug kung asa ug unsaon pag-access sa lokal nga STI ug HIV testing ug mga treatment services.
Aduna usab silay mga pa games nga nakahatag sa pagpartisipar sa mga partisepante ug nanghatag silag mga pamphlets mahitungod sa Adolescent Health Development Program sa mga estudyante nga inubanan ni Dorie Alduheza, SK officials Issah Lee Plarisan ug Aljon Benocilla, ug mga miyembro sa LOLA. (Novie Colandog, MIO Loreto/PIA-Dinagat Islands)
