Small scale irrigation, gi-turnover sa women’s org sa Tubajon
DINAGAT ISLANDS - Usa sa problema sa farmers’ organization sa probinsya sa Dinagat Islands mao ang kakulangon sa tubig alang sa ilang mga pananom rason nga ang provincial government sa Dinagat Islands ilawom sa pagdumala ni Governor Nilo P. Demerey Jr., MPM, pinaagi sa Provincial Agricultural and Biosystems Engineering Office (PABEO), pormal nga mipahigayon sa ceremonial turnover sa Small Scale Irrigation Project ngadto sa Diaz Independent Women’s Organization kon DIWO, niadtong Disyembre 5 didto sa Brgy. Diaz, Tubajon, sakop ning probinsya.
Matud pa ni Engr. Marlon Cueco, kini nga tubig walay gasto nga kuryente tungod kay gravity driven kini pasabot nga ang gravity ang mo flow padulong sa reservoir maong less gastuhon ug less maintenance ngadto sa mga farmer, ug dugang pa niini nga 20 ka kubiko ang sulod sa maong tangki nga good for 1 hectare to 3 hectares ang ma-irrigate.
‘Tinguha ni Gov. Demerey nga tabangan ang mga people’s organization, mga katawhan diri sa probinsya nga mahimong sustainable ang livelihood rason nga gipangusgan ang mga proyekto nga makahatag og solusyon aron mas mulambo ug mamentinar ang panginabuhian sama niining small scale irrigation,” maoy gipadayag nga mensahe ni kanhi Chief of Staff Nilo Marco M. Demerey, ngadto sa mga mag-uuma sa Brgy. Diaz, Tubajon, isip representante ni Gov. Demerey.
Dakong pasalamat ang gipaabot ni DIWO President Teresita O. Morales, ngadto sa panggamhanan sa probinsya ilabi na sa gobernador sa probinsya sa iyang pagtubag sa ilang dugay ng gipangandoy nga tangki aron dili na lisud ug layo maghakot og tubig alang sa ilang mga pananom.
Atol sa maong seremonya anaa ang presensya ni Tubajon Acting Municipal Agriculturist Thelma C. Gumato, Vincy P. Lasco isip representante sa Mayor’s Office ug PESO Manager, mga barangay kagawad sama ni Marjun A. Malajay ug Delia Manait, DIWO members, ug mga personahe sa Remedy Action Center sa lungsod sa Tubajon. (Alrose Pis-o, PIO PDI/PIA-Dinagat Islands)
