Loreto sa Dinagat Islands, naghandum sa Historic Battle of San Juan
LORETO, Dinagat Islands --- Ika-82 nga paghandum sa Historic Battle of San Juan batok sa Japanese Imperial Army niadtong Oktubre 31 ang malampusong gipahigayon sa Commemorative Marker ug Antonio L. Jamera Memorial Stage sa Barangay San Juan, Loreto, Dinagat islands.
Ang gubat sa San Juan usa ka hulagway sa patriyotismo, kaisog, kabayanihan ug gugma sa nasod sa upat ka lokal nga bayani nga mao sila PFC Florentino B. OmaΓ±a, PVT Perfecto Villanueva, PVT Eleuterio Omapas ug SGT. Primo De Jesus nga nanalipod sa teritoryo ug nakig-away batok sa daghan ug kinutaan nga mga kaaway sa Hapon niadtong Oktubre 31, 1942.
Sulod sa programa aduna silay gihimo nga re-enactment sa Battle of San Juan, alang sa pagbalik dumdom sa mga panghitabo kaniadto. Gipangunahan usab ni Rev. Jiffer Limpioso ang pag-ampo sa upat ka gallant guerillas.
Gipangunahan kini ni Loreto Mayor Doandre Bill A. Ladaga ug Municipal Administrator Engr. Joy Conales ang wreath offering inubanan sa department heads, Sangguniang Bayan members, Loreto-BFP, Loreto-MPS, Loreto-PCG, Barangay San Juan officials, barangay health workers ug senior citizens.
Sumala pa sa mensahi ni Mayor Doan, nga anaa na sa Municipal Development Plan ang pagbalhin sa maong site marker nga ibalik na kini sa original nga site didto sa Bacubas nga diin didto nahitabo ang maong gubat sa San Juan batok sa Japanese Imperial Army. (Novie Colandog, MIO-Loreto/PIA-Dinagat Islands)
