Wordpress training, gipahigayon sa Dinagat Islands
DINAGAT ISLANDS - Traynta ka mga partisipante ang padayong mipailayom sa lima kaadlaw nga Web Content Management Using Wordpress Training sugod Oktobre 14 -18 pinaagi sa buhatan sa Department of Information Communications Technology (DICT) ug sa pakig-alayon sa provincial government ubos sa pagdumala ni Governor Nilo P. Demerey Jr., MPM. diin kini gipahigayon sa Provincial EOC, Sta. Cruz, San Jose, Dinagat Islands.
Padayon usab nga pagahisgutan ang kabahin sa Introduction to Government Web Hosting, Mastering Content Management with WordPress, cPanel: Your Web Hosting Control Panel, ug ang Securing Your Website: Building a Robust Defense nga gipangunahan ni NorthEastern Mindanao University-Information Technology Officer I Anthony Yanto diin usa-usang niya kining gipasabot sa mga partisipante sa matag local government unit ug sa mga national government agencies sa probinsya sa Dinagat Islands.
Usa kini ka mahinungdanong aktibidad isip pagpalambo sa direktiba sa gobyerno nga adunay transparensiya ug maayong pagdumala sa local fiscal and financial management diin ang mga LGUs ug NGAs gikinahanglan ma-emhance ang ilang existing nga mga websites pinaagi sa prescribed nga mga web design template, software tool, ug mga teknolohiya.
Atol sa maong training, anaa ang presensya sa mga information officer sa matag munisipyo ug mga IT personnel gikan sa nagkalain-laing ahensya sa probinsya ug departamento sa kapitolyo. (Lorense Mae Nidea, PIO-PDI/PIA-Dinagat Islands)
