'Pagbansay Ngadto sa Paglambo', ilusad sa Agusan Norte
DAKBAYAN SA BUTUAN -- Ilusad karong Septyembre 12-13 ang mga pagbansay ubos sa programanag “Pagbansay Ngadto sa Paglambo 2” nga gipahiluna ni Kongresista Dale B. Corvera sa pakig-alayon kang Gov. Ma. Angelica Rosedell M. Amante ug dumalahon sa Technical Education and Skills Development Authority (TESDA).
Ang mga pagbansay diin nakapahiluna ni Kong. Crovera og P9 milyon nga pundo nasulod sa duha ka mga programa sa TESDA nga mao ang Special Trainings for Employment ug Training for Work Scholarship Program (TWSP).
Himoon ang launching activities sa duha ka mga lugar. Ang usa niini himoon sa Northern Mindanao School of Fisheries sa Septyembre 12 ug ang ikaduha himoon sa social hall sa Cabadbaran City pagka-Septyembre 13.
Sama sa gihimo sa miaging tuig, daghan sa mga pagbansay niini nga hugna nakakonekta sa gikinahanglang mga kahanas diha sa kampanya sa pagpalambo nila ni Corvera ug Amante nga mao ang AGUSAN UP!
Sentro sa mga programa sa AGUSAN UP! mao managkaluhang proyekto niini nga mao ang Plant! Plant! Plant! ug Process! Process! Process. (Nicolai Gwyne De Asis, Isajane Bongco/Agusan del Norte 2nd Congressional District/PIA- Agusan del Norte)
