(PAGASA 24-HOUR PUBLIC WEATHER FORECAST as of Thursday, 18 September 2025) At 3:00 AM today, the Low Pressure Area (LPA) was estimated based on all available data at 460 km West of Coron, Palawan (12.6°N, 116.0°E). Meanwhile, another Low Pressure Area (LPA) was estimated based on all available data at 190 km East Northeast of Juban, Sorsogon (13.2°N, 125.7°E). Easterlies affecting Northern Luzon. Localized Thunderstorms ang makaapekto sa rehiyon sa Caraga.


Wednesday, September 18, 2024

“Layag 2: Forum sa Pagdiriwang ng Pandaigdigang Araw ng Salin” gaganapin ngayong buwan

MANILA -- Pinaanyayahan ng Komisyon ng Wikang Filipino (KWF) and mga sektor na lumahok sa Layag 2: Forum sa Pagdiriwang ng Pandaigdigang Araw ng Salin  na magaganap sa ika-30 ng Setyembre, 2024, Lunes, 1:00-4:00 ng hapon sa pamamagitan ng Facebook Live.  

Pokus ng talakayan ang temang “Pagsusulong ng Batas sa Pagsasalin at Epekto ng AI sa Pagsasaling Filipino” upang matalakay ang mga patuluyang inisyatiba sa pagsusulong ng panukalang batas sa propesyonalisasyon ng mga tagasaling Pilipino; maitaya ang mga epekto ng Artificial Intelligence sa praktika ng pagsasalin sa mga wika sa Pilipinas; at magsama-sama ang mga sambayanan para sa pagdiriwang sa Pandaigdigang Araw ng Salin. 

Tampok na mga tagapagsalita sina Dr. David Michael San Juan, tagapangulo ng Pambansang Komite sa Wika at Salin-Pambansang Komisyon sa Sining at Kultura at Dr. Ramon Guillermo, Direktor, Center for International Studies, Unibersidad ng Pilipinas, Diliman. 

Inorganisa ito ng Kasálin Network na binubuo ng mga institusyon at indibidwal na hangaring maorganisa ang mga tagasalin para sa pagkilala at propesyonalisasyon ng pagsasalin sa buong bansa.

Para sa iba pang impormasyon, mag-email sa networkkasalin@gmail.com. (KWF/PIA-Caraga)

Posted by at