Handa Forum sa disaster, climate change, nagmalampusong gipahigayon sa Dinagat Islands
DINAGAT ISLANDS - Nagmalampuson nga gipahigayon ang Handa Forum on Disaster Risk Reduction and Climate Change Adaption (DRR-CCA) sa probinsya sa Dinagat Islands niadtong Agosto 28 -29 ngadto sa Cagdianao municipal gymnasium, Poblacion, Cagdianao Dinagat Islands, kini pinaagi sa buhatan sa Department of Science and Technology (DOST) Caraga sa pagpanguna ni Regional Director Noel M. Ajoc sa pakig-alayon sa Congressional Office of Dinagat Islands (CODI) ug provincial government pinaagi sa buhatan sa Provincial Disaster Risk Reduction and Management Office (PDRRMO) sa pagpanguna ni PDRRM Officer Rosario Jra. R. Alon.
Aduna kini tema nga, " Building Synergies for a Resilient Dinagat Islands," diin tumong sa maong panagtapok nga mapakita DRRMOs gikan sa probinsya, munisipyo ug barangay, apil na ang mga rescuers and responders ang mga nagkadaiyang modernong teknolohiya nga ginagamit ahensya sa DOST alang sa pagprepara ug pag predict sa mga posibleng katalagmang muabot o masinati sa probinsya sa Dinagat Islands sama sa typhoons o bagyo, baha, linog ug uban pa ilabina kay ang nasod sa Pilipinas nga vulnerable niini.
Gipadayag ni Dir. Ajoc nga
gikinahanglan nga mamahimong innovative ang probinsya sa Dinagat Islands
ilabina sa pakigbatok sa mga natural hazards nga masinati sa mga katawhan ug
pinaagi sa mga modernong teknolihiya sa siyensya ug pagtinabangay mamahimong
resilience ang probinsya.
Atol niini nga aktibidad, pipila ka mga local government units (LGU) ang gipasidunggan isip awardees sa Gawad KALASAG (KAlamidad at Sakuna LAbanan, SAriling Galing ang Kaligtasan) Seal of Excellence Awards diin midawat og P1.5 milyon ang munisipyo sa Tubajon, Basilisa, Loreto isip giilang Beyond Compliant LGUs, samtang ang munisipyo sa Cagdianao, San Jose ug Dinagat midawat og P1 milyon isip giilang Fully Compliant LGUs.
Mipadayag usab og mensahe ang mga nagkadaiyang personahe agi'g pagsuporta sa maong kalihukan sama nila Cagdianao Mayor Marc Adelson D. Longos, Atty. Niel Edward M. Demerey isip representante ni Governor Nilo P. Demerey Jr., CODI- District Head Ricci Bacolor isip representante ni Congressional Rep. Alan 1 B. Ecleo, Legislative Consultant Antonio Acabal isip representante ni Vice Governor Benglen B. Ecleo.
Sa laing bahin, anaa ang presensya sa mga nagkadaiyang personahe alang sa pangpasabot sa mga nagkadaiyang topiko kabahin sa mga modernong teknolohiya sama nila DILG-LGOO Resty Paul Renzo F. Yangson, Information Officer Ronald Anthony P. Briol sa Office of Civil Defense - Caraga, Jordana Marie L. Argamosa sa DOST - PHILVOLCS, Iviel Mae B. Beniga ug Frances O. Semorlan sa DOST-PAGASA, CSU Director ug Caraga Center for Geo-informatics Engr. Arnaldo C. Gagula, Maria Catherine O. Arca sa CMU, DOST- ITDI Science Research Specialist Bernadette Garcia, DOST-FNRI Science Research Specialist Filipiniana B. Bragas, Atty. Rod Francis Marquez isip district legal consultant ug uban pa. (PIO-PDI/PIA-PDI)
