Deputy fish warden, fishery law reinforcement system training , gipahigayon sa Loreto, Dinagat Islands
LORETO, Dinagat Islands -- Ang Bureau of Fisheries and Aquatic Resources (BFAR) Caraga, ilawom sa Department of Agriculture, nipahigayon og tulo ka adlaw nga Deputy Fish Warden and Fishery Law Enforcement System Training ngadto sa mga bantay-dagat ug mga guwardiya sa sanktuwaryo sa lungsod sa Loreto sa probinsya sa Dinagat Islands.
Gisuportahan sa Municipal Agriculture Office sa presensya ni Robustiano S. Patayon Jr., ug BFAR Caraga resource speakers nga si Senior Aquaculturist Rostico L. Ranuco ug Ian D. Batitang, uban usab sila Enforcement and Regional MCS Operation Center Staff Richard S. Narisma, Regional Fisheries Training and Fisherfolk Coordination Division Staff Lester M. Garcia, Legal Officer Eharra Christa B. Lasala, ug Aquacultural Technician Michelle Ludovice. Gibuhat kini sa Stellan Rhine Sitio Cambinliw Brgy. Santiago, Loreto, PDI.
Ang BFAR isip maoy responsable sa pagpalambo, pagpaayo, pagdumala ug pagkonserba sa fishery ug aquatic resources sa nasod, katuyuan niini aron pagmintinar ug pagpanalipod sa kinaiyahan nga maprotektahan pinaagi sa gina dili nga paglabay og basura sa kadagatan ug hilabina sa pagbawal sa ilegal nga pagpangisda.
Nakat-onan sa mga deputy fish warden ang ilang tahas ug katungdanan isip magbalantay sa dagat ang mga insaktong balaod nga maoy mahimong sumbanan kun kini anaay masakpan sa paglapas sa balaod, aduna kini mga silot sa pagpangisda nga ilegal. Nahisgotan usab ang overview sa coastal ug marine ecosystem, mga mandato sa lokal ug ahensya sa nasyonal nga pang gobyerno, ug unsaon pag-ila sa isda nga binothan
lakip na ang mga isyu ug problema sa
pagpatuman sa balaod sa pangisda.
Ang usa ka deputy fish warden kinahanglan nga nakasabot sa tinubdan ug mga limitasyon sa iyang awtoridad, mga responsibilidad, ug pagsiguro nga dili siya molapas sa iyang awtoridad. Legal nga basehan alang sa Deputasyon sa Fish Warden ang Sec. 124 sa Fisheries Code of 1998 nga gi-amendahan sa Sec. 158 sa RA 10654. Mga tawo ug deputy nga awtorisado sa pagpatuman niini nga kodigo ug uban pang mga balaod, lagda ug regulasyon sa pangisda. (Joanna F. Realiza, MIO-Loreto/PIA-Dinagat Islands)
