6

(PAGASA 24-HOUR PUBLIC WEATHER FORECAST as of Saturday, 14 November 2026) "Northeast Monsoon affecting Northern Luzon. Easterlies affecting the rest of the country. TC Information TROPICAL CYCLONE OUTSIDE PAR AS OF 3:00 AM TODAY TROPICAL DEPRESSION LOCATION: 3,145 KM EAST OF CENTRAL LUZON (16.4°N, 151.6°E) MAXIMUM SUSTAINED WINDS: 45 KM/H NEAR THE CENTER GUSTINESS: UP TO 55 KM/H MOVEMENT: WESTWARD AT 30 KM/H" Easterlies ang makaapekto sa tibook rehiyon sa Caraga.


Monday, 12 August 2024

Dugang suplay sa kuryente sa Dinagat Islands, gipaningkamotan ni Gob. Demerey

DINAGAT ISLANDS -- Usa ka panagpulong ang gitambungan ni Gob. Nilo P. Demerey Jr., MPM kauban ang Philippine National Oil Corporation pagpanguna ni Pres. Oliver B. Butalid niadtong Agosto 7 nga gipahigayon ngadto sa PNOC Bldg., Bonifacio Global City, Taguig City, Metro Manila.

Ilang gihatagan og giya ang diskusyon mahitungod sa mga benipisyo sa wind ug solar power isip proyekto sa electricity source alang sa probinsya sa Dinagat Islands. Apil na ini ang pagkahimuon nga 1 megawatt solar farm nga mahimong electricity support alang sa Provincial Governance Center.

Matod pa sa ilang miting, ang maong mga proyekto makatabang usab sa pagpakusog sa turismo ug suporta alang sa pagpalambo sa industralisasyon sa probinsya. Dungag ani, ila usab nahisgutan ang pagkahimuon nga cold storage facility alang sa Deepsea Payaw Project nga makatabang sa pagpabilin nga presko ang mga tuna nga gikan niini.

Kung mahinomdoman niaging bulan, personal nga gibisita sa Deep Sea Payaw Task Force nga gipanguluhan sa Bureau of Fisheries and Aquatic Resources (BFAR) ang lokasyon sa tuna highway ngadto sa kadagatan nga sakop sa munisipyo sa Loreto, Dinagat Islands  aron personal nga susihon ang kalagyo ug ang lokasyon nga pagkabutangan sa maong mga deepsea payaw.

Anaa usab sa maong panagpulong sila Atty. Niel Edward M. Demerey, Provincial Planning and Development Officer Jorge C. Daligdig, Atty. Josephine Cassadra-Cui, Atty. Rowena Raymundo ug uban pa nga mga key officials gikan sa Philippine National Oil Corporation. (Gov. Nilo P. Demerey Jr./PIA-Dinagat Islands)