Bora-Bora gidili na sa lungsod sa Santiago
DAKBAYAN SA BUTUAN -- Suportado sa Sangguniang Panlalawigan ang ordinansa gikan sa lungsod sa Santiago ning probinsya human gideklara nga balido sa Municipal Ordinance No. 2024-199 nga nagdili sa paggamit sa modified muffler (bora-bora) sa tanang pribado ug publikong sakyanan sa lungsod nga hinungdan sa kasaba ikumpara sa regular nga muffler.
Hugtanon nga gisugyot ang maong ordinansa sa pagpangamahan ni Sangguniang Bayan member Nilo G. Mordeno aron mapanalipdan ang kaayohan sa mga konstituwente. Kini nga mga salakyanan nga adunay giusab nga muffler o exhaust pipe nga nagpagawas sa kusog nga kasaba hinungdan sa kahasol labi na sa oras sa kagabhion ug nakamugna og daghang mga reklamo ug pagkondenar sa publiko.
Multa ang ipahamtang sa bisan kinsang tawo nga makalapas niini nga ordinansa. Unang paglapas- confiscation and destruction of muffler; ikaduha ug ikatulo nga paglapas – P1,000 / one day community service ug ang sunod nga paglapas – P2,500 ug pagkapriso.
Ang pag-aproba sa maong ordinansa pinaagi sa Sanggunian Resolution No.279-2024 sa pagpaningkamot ni Bokal Larry F. Bautista, tsirman sa Committee on Energy ang Transportation kauban sila Bokal Dick Victor B Carmona ug Francisco Y. Chan, Jr. nga mga membro sa komitiba. (JO Mellejor, PLGU-Agusan del Norte/PIA-Agusan del Norte)
