Kapulisan sa Agusan Sur mipartisipar sa tree planting sa health office
PROSPERIDAD, Agusan del Sur -- Aktibong gipartisiparan sa mga kapulisan sa Agusan del Sur Police Provincial Office (ADSPPO) ubos sa pagdumala ni Police Colonel (PCol) Yahya Bustamante Yusup, provincial director, ang gihimong tree planting activity nga gipanguluhan sa Provincial Health Office (PHO) – Nutrition Services Agusan del Sur sa pagpanguna ni Laniebelle T. Angchangco, Agusan del Sur provincial nutrition action officer (ADS PNAO) nga gipahigayon sa landfill sanitary sa Brgy. Poblacion, Prosperidad, ning probinsiya.
Mikabat og 50 ka semilya sa fruit-bearing trees ang malampusong natanom sa nasangpit nga lugar.
Dako ang pasalamat ni PNAO Angchangco sa kapulisan apil man sa uban pang sektor nga aktibong mipartisipar sa tree planting aron mas mudaghan pa ang mga tinanom nga prutas nga mapuslan usab sa mga katawhan. Masustansiyang prutas ug gulay ang gina-awhag nga itanom sa PHO ug nutrition services hilabi na sa matag backyard garden sa mga lumulupyo.
“Bukod sa pagsama natin sa mga tree planting activities sa ating mga partner stakeholders dito sa probinsya, aasahan niyo pong mas paiigtingin pa ng Agusan del Sur pulis ang kampanya laban sa illegal logging at pabilisin ang pagsisikap sa pagsampa ng kaukulang reklamo laban sa mga lumabag sa environmental laws,” sigon ni PCol. Yusup. (PRO13-Agusan del Sur Pulis/PIA-Agusan del Sur)
