Kapulisan gipasidunggan atol sa selebrasyon sa Police Community Relations Month
PROSPERIDAD, Agusan del Sur -- Atol sa gipahigayong kick-off ceremony alang sa pag-selebrar sa 29th Police Community Relations Month niadtong Hulyo 1, kauban ang Police Community Affairs and Development Unit (PCADU) isip office primary responsible (OPR) ug si Dir. Arleen Ann Rosales Sanchez, provincial director Department of the Interior and Local Government (DILG), naghatag og pasidungog ngadto sa mga kapulisan na gipahigayon atubangan sa Agusan del Sur Police Provincial Office (ADSPPO) Building sa Prosperidad, Agusan del Sur.
Kini nga seremonya nagahatag og dungog sa mga istasyon sa pulis ug personahe nga nagpakita ug dedikasyon sa ilang gipanumpaang katungdanan pinaagi sa paghatag og pagdayeg.
Alang sa kalampusan sa operasyon sa June 17-23, 2024:
Top 1 – Bayugan Component City Police
Station (CCPS)
Top 2 – Trento Municipal Police
Station (MPS)
Top 3 – Bunawan MPS
Gihatagan usab og sertipiko sa pagdayeg ang Veruela MPS nga nakakuha ug pinakataas nga total engagement sa information operations (IO) sulod sa bulan sa Abril hantod sa Hunyo 2024.
Ang San Luis MPS nahatagan usab og sertipiko sa pagdayeg isip una nga munisipyo nga naka retain og drug cleared status sulod sa tuig sa 2023-2024.
Human niini, naghatag usab og mensahe si Dir. Sanchez, diin iya gisaysay ang mga prinsipyo sa maayong pagserbisyo sa publiko sama sa service, commitment ug love.
"Let our institution, the DILG, be proud of all of you. Let us all be Matino, Mahusay, Maasahan na Police Force para sa bagong Pilipinas," butyag ni Sanchez.
Kini subay sa learning and growth nga perspektibo sa PNP P.A.T.R.O.L. Plan 2030 ubos sa tumong sa pagpalambo sa usa ka may katakus, dasig ug value-oriented nga mga personahe ug organisasyon sa kapulisan kalabot sa Transformation Program sa organisasyon. (ADSPPO Pro13 Agusan del Sur Pulis/PIA-Agusan del Sur)
