Malampusong operasyon batok sa kriminalidad, insurhensiya naangkon sa kapulisan sa Agusan Sur
PROSPERIDAD, Agusan del Sur -- Ang mas gipakusog nga kampanya batok sa kriminalidad ug insurhensiya sa Agusan Del Sur Police Provincial Office (ADSPPO) nga gipangulohan ni Police Colonel Yahya Bustamante Yusup, officer-in-charge, ubay-ubay na usab ang nahimong malampusong pagpatuman sa Anti-Criminality Law Enforcement and Operation (ACLEO) sa tibuok probinsya nga naglangkob sa panahon gikan sa May 6-12 diin miabot sa 28 ka operational accomplishments base sa datus sa Provincial Operation and Management Unit (POMU).
Ang walay hunong nga mga paningkamot sa lokal nga mga pulis batok sa kriminalidad ug insurhensya miresulta sa mosunod nga positibo nga mga kalampusan sama sa: tulo (3) ka illegal drug personalities sikop pinaagi sa buy-bust operation; tulo (3) ka loose firearms ang boluntaryong gitahan sa awtoridad; lima (5) ka mga indibidwal arestado sa illegal gambling; duha (2) ka Most Wanted Person ug tulo (3) ka ubang Wanted Persons ang napriso samtang duha (2) ka Service of Warrant of Arrest ang malampusong napatuman; duha (2) ka indibidwal ang gi-aresto sa illegal logging; ug laing dose (12) ka indibidwal ang gi aresto sa kampanya sa illegal fishing.
Ang tanang mga dinakpan gisitar sa Miranda Warning ug Anti-torture Law pinaagi sa pagdakop sa mga pulis sa wala pa ibutang ubos sa kustodiya sa kapolisan samtang ang mga reklamo batok kanila giandam alang sa pagpasaka sa korte.
"Ang mga nagawang ito ay isang layuning tagapagpahiwatig ng ating pagiging epektibo sa pagtataguyod ng tuntunin ng batas sa loob ng ating area of responsibility. Ang masigasig na dedikasyon ng ating mga pulis kasama ang aktibong suporta ng komunidad ay nagsisilbing sangkap ng pagpapanatili ng kapayapaan at kaayusan ng lalawigan. Nangangako kami na aalisin ang mga banta sa lipunan upang mabigyan ng hustisya,” matud pa ni PCol. Yusup.
Kini subay sa process excellence perspective sa PNP Peace and Order Agenda for Transformation and upholding of the Rule-of-Law” (P.A.T.R.O.L.) Plan sa 2030 ubos sa Tumong, Pagpauswag sa Paglikay sa Krimen ug Kahusay sa Solusyon sa Provincial Police Office (PPO). (PRO13 - Agusan del Sur Pulis/PIA-Agusan del Sur)
