Mga pulis Juana sa AgSur nagpahigayon og tree planting
PROSPERIDAD, Agusan del Sur -- Mga personahe sa Agusan del Sur Police Provincial Office (ADSPPO) nga gipangunahan ni Police Colonel Yahya B. Yusup, officer-in-charge nagpahigayon og tree planting kauban ang Deputy Provincial Director for Administration, Police Lieutenant Colonel Bonifacio C. Estrella Jr., ug ang mga empowered na kababayin-an sa ADSPPO.
Ang mga babaeng kapulisan gipangulohan ni Police Captain Renlyn P. Arroza, chief sa Provincial Women and Children Protection Desk (PWCPD) ug Police Major Doren S. Mauricio, sa pagtinabangay kauban ang mga kababaihang personahe sa Provincial Environment and Natural Resources Office - Department of Environment and Natural Resources (PENRO-DENR) Agusan del Sur, Prosperidad Municipal Police Station (MPS), Provincial Forensic Unit (PFU) ug Provincial Medical and Dental Unit (PMDU) nga gipahigayon sa Purok-4, Patin-ay, Prodperidad, Agusan del Sur alas sais sa buntag petsa Marso 12, 2024 (Martes).
Kinatibuk-ang 100 ka seedlings sa Dao trees nga gipasiugdahan gikan sa PENRO LGU – ADS nga gipangulohan ni Rex Mel P. Acedillo, ang acting PGDH/PENRO, ASESDC head secretariat, ang mainampingong gitanom sa mga natudlong lugar, nga nagsimbolo sa mahinungdanong lacking padulong sa environmental sustainability.
"Kini nga kalihokan nagsilbi nga suporta ug ingon usab usa ka pagdasig sa tanan sa pagpatunhay sa atong kalikupan ug kitang tanan maghiusa sa pagpreserbar ug pag-atiman sa atong kinaiyahan alang sa usa ka mas maayong puy-anan alang sa umaabot nga mga henerasyon," gipahayag ni PCol. Yusup.
Kini subay sa learning and growth perspective sa PNP P.A.T.R.O.L. Plan sa 2030 ubos sa tumong sa pagpalambo sa usa ka may katakus, maayo nga kadasig ug mga mithi nga mga personahe sa pulisya ug organisasyon kalabot sa programa sa pagbag-o sa organisasyon. (ADSPPO/PIA-Agusan del Sur)
