Illegal drug paraphernalia gikompiskar sa buy-bust operation
PROSPERIDAD, Agusan del Sur -- Ang dedikasyon sa mga personahe gikan sa San Francisco Municipal Police Station (MPS) nga mao ang lead unit, kauban ang Regional Drug Enforcement Unit 13 (RDEU-13) ug Philippine Drug Enforcement Agency - Agusan del Sur Police Provincial Office (PDEA-ADSPO) maoy naghatag og dalan alang sa malampusong operasyon sa nagpadayong kampanya batok sa illegal nga droga.
Ang maong buy-bust operation nahitabo niadtong Abril 15, 2024 (Lunes) sa mga alas 7:59 sa gabii sa Purok-6A, Barangay 4, San Francisco, Agusan del Sur, nga niresulta sa pagkasikop sa usa (1) ka suspetsado ug pagkasakmit sa ginadili nga mga butang.
Ang mga nahisgutang personahe nihimo og operasyon batok sa illegal nga droga pinaagi sa buy-bust operation nga miresulta sa pagkasakmit sa mosunod nga mga butang:
a. Tulo (3) ka piraso nga heated-sealed transparent sachet nga adunay sulod nga white crystalline substance nga gituohang shabu nga gibana-banang motimbang og 1 gramo ug standard drug price (SDP) value nga P6,800;
b. Usa (1) ka piraso nga aluminum
foil strip; ug
c. Usa (1) ka piraso nga P500 nga
buy-bust money.
Ang dinakpan nga suspetsado ug mga nasakmit nga butang anaa na sa kustodiya sa San Francisco MPS alang sa tukmang disposasyon.
Ang ahensiya nga nagpatuman sa balaod komitado sa pagsiguro nga ang tanan nga kinahanglan nga mga pamaagi ug ligal nga mga lakang gisunod aron mapadayon ang integridad sa kaso.
Para sa dugang nga impormasyon, palihog kontaka ang San Francisco Municipal Police Station (MPS) hotline sa 0998-976-3071. Gipasiugda sa kapulisan ang presumption of innocence hangtod mapamatud-an nga sad-an sa korte sa balaod.
Kini nahisubay sa process excellence perspective sa PNP peace and order agenda for transformation and upholding of the rule of law (P.A.T.R.O.L.) plan sa 2030 ubos sa tumong sa pagpalambo, pagpugong ug sayo nga pagsulbad sa mga krimen. (ADSPPO/PIA-Agusan del Sur)
