Ordinansa sa data privacy sa Butuan City, aprobado na
DAKBAYAN SA BUTUAN -- Gi-aprobahan na ni Mayor Ronnie Vicente Lagnada ang City Ordinance No. 7046-2023 o ang Data Privacy Ordinance sa Butuan City asa mao ang pagpakusog sa Data Privacy sa city government sa Butuan subay sa palisiya ug guidelines.
Sumala sa Republic Act No. 10173 o mas naila sa Data Privacy Act sa 2012 kini gipatuman aron maprotektahan ang mga personal nga impormasyon sa matag indibidwal nga anaa sa information ug communication systems sa parehong government ug private sectors apil na ang pag establesar sa National Privacy Commission.
Ang nasangpit nga balaodnon gipakusgan alang sa proteksyon sa privacy sa matag indibidwal samtang gisiguro ang dagan sa impormasyon sa pagpromote sa inobasyon ug growth pinaagi sa regulasyon sa collection, recording, organization, storage, updating or modification, retrieval, consultation, consolidation ug uban pa.
Giila kini isip usa sa importanteng palisiya padulong sa mga desisyon sa gobyerno, policies, public services ug inobasyon aron makabenipisyo ang constituents nga nagtinguhang molambo ang paghatag sa basic goods ug services gikan sa lokal nga panggamhanan sa Butuan pinaagi sa kinahanglang local mechanism sa matag buhatan aron sa ingon masunod ang probisyon sa data privacy act.
Gipangunahan ang pagpangamahan sa ordinansa nila City Councilor Cherry May Busa, Joseph Omar Andaya, Rey Desiata, John Gil Unay, Cynth Zephanee NIetes, Arturo Gado, Cromwell Nortega, Victor Plaza ug Ehrnest John Sanchez sa pagpangulo ni Butuan City Vice Mayor Lawrence Fortun. (Butuan City PIO/PIA-Agusan del Norte)
