Agusanon nahimong outstanding vet sa nasod
DAKBAYAN SA BUTUAN -- Nadawat ni Dr. Joseph P. Dargantes ang prestihiyoso’ng 2024 Philippine Veterinary Medical Association (PVMA) Outstanding Veterinarian in Rural and Extension Service Award atol sa gihimo’ng 91st PVMA Scientific Conference and Annual Convention niadtong Pebrero 21-23, 2024 sa Bacolod City.
Ang maong award kang Dr. Dargantes nag-ila sa iyang “dedication ug exemplary performance” isip Veterinary IV sa Provincial Veterinary Office sa Agusan del Norte diin tungod kaniya nahimogso ang One Health Rabies Program sa nasod.
Sa tabang ni Paul Cupay sa MIS Division sa Provincial Governor’s Office, iyang gimugna ang Rabies Management Information System (RabMIS), usa ka computer information system nga naga-record, store ug nagamentinar og databases sa veterinary ug human compartments sa One Health Rabies Program.
Sulod sa 20 ka tuig matod pa, gididikar ni Dargantes ang iyang kahanas sa iyang propisyon sa serbisyo publiko pinaagi sa pakigtambayayong sa mga animal raisers dinhi sa probinsya.
Aktibo ang maong veterinarian sa veterinary research isip usa sa mga pioneering trainees sa nasod mahitungod sa Applied Veterinary Epidemiology Training (AVET). Nakuha niini ang Interrisk International Master’s Degree nga nga gi-offer sa Thailand’s Kasetsart University ug France’s Ecole Nationale VΓ©tΓ©rinaire de Toulouse sa suporta sa CIRAD (French Agricultural Research Centre for International Development).
Na-compile ug na-publish ni Dagantes ang iyang mga kasinatian sa veterinary pinaagi sa iyang libro nga nag-ulohan og “This Vet’s Life.” (PLGU-Agusan del Norte/PIA-Agusan del Norte)
