(PAGASA 24-HOUR PUBLIC WEATHER FORECAST as of Monday, 15 July 2024) Intertropical Convergence Zone (ITCZ) affecting Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to ITCZ. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).


Thursday, 29 February 2024

Manoligao dako’g potensyal sa turismo – Amante

DAKBAYAN SA BUTUAN -- Ala Claveria kini nga gihulagway ni Gob. Ma. Angelica Rosedell M. Amante sa posibling mahitabo sa Barangay Manoligao, Carmen kun mamintenar ang kalinaw ug kaanindot sa lugar aron mosulod ang mga negosyante ug mamahimong susama ka anindot sa munisipyo sa Claveria sa Misamis Oriental.

Kini nga positibong panglantaw sa gobernador, iyang gibutyag atol sa AguSerbisyo Caravan nga gihimo sa panggamhanang probinsyal didto sa maong barangay niadtong Pebrero 23.

“Ang dako nato gyu’ng hagit karon nga ang tawo mismo dili lang uma, naa pay laing kapiliang trabaho, mosulod ang trabaho kung naa poy mga negosyanteng mosulod kanato,” matod pa ni Gob. Amante sa iyang mensahe sa mga residente sa barangay.

Matod pa niya nga mosulod ang mga negosyante kung anaay kalinaw sa lugar dalang hagit sa mga lomolupyo niini nga sila mismo ang mo-proteksyon sa ilang barangay batok sa mga walhong grupo.

Dinhi iyang gipananglitan ang munisipyo sa Claveria nga niadto gikontrolar pa sa mga walhong grupo apan tungod sa kahiusahan sa katawhan sa lugar nga maangkon balik ang kalinaw, ilang napalayas ang daotang elemento nga nagdala og kahadlok sa publiko. 

Tungod niini karon, nag-atbangan na ang mga kan-anan ug uban pang negosyo sa lugar tungod sa nagkadaghan nang turista nga motuyo pagbisita sa maong munisipyo tungod sa kaanindot sa mga bukid sa palibot nga susama usab sa kahimtang sa Barangay Manoligao matod pa nga dakong potensyal sa turismo.

Sama sa nangaging AguSerbisyo sa daghan nang dapit sa Agusan del Norte, bitbit sa mga opisyal ug uban pang mga trabahante sa panggamhanang probinsyal ang nagkalain-laing libreng serbisyo sama medikal, dental, pagpanghatag og tambal, eyeglasses, cane, walker, tilapia fingerlings, seedling sa fruit trees, mahogany ug falcata, marang, wellness services sama sa manicure ug pedicure, ug uban pa. Kini nga mga libre’ng serbisyo naangkon sa bagang residente sa Barangay Manoligao niadtong tungura.

Nagmalapuson ang maong aktibidad sa tabang sa mga probinsyal nga opisina sa social welfare and development health, ug veterinary; Environment and Natural Resources Division, Technical Education and Skills Development Authority ug Philippine Army.

Ang AguSerbisyo usa ka programa sa probinsya ubos sa administrasyon ni Amante nga nagtumong sa pagdala sa mga serbisyo sa gobyerno na libre ngadto sa mga hilit nga lugar sa probinsya. Kini namugna pinaagi sa Provincial Ordinance No. 661-2023 sa pagpangamahan nila bokal Larry F. Bautista kauban sa municipal couuncilor Rodulfo A. Pitogo ug Inez Rosario A. Amante.

“Ato gyu’ng paningkamotan nga ang kagwapo sa Manoligao dili lang kita ang makakita. Kung nakaya sa Claveria, walay rason nga dili nato makaya sa Manoligao,” sa katapusang mensahe ni Amante sa mga residente sa maong barangay. (PLGU Agusan del Norte/PIA-Agusan del Norte)