Pasado sa SP ang electrical rehab sa ospital sa Las Nieves
DAKBAYAN SA BUTUAN -- Gi-okehan bag-ohay pa lamang sa Sangguniang Panlalawigan ang electrical rehabilitation sa Hospital Complex (Transition and Upgrade to 3-Phase) sa Las Nieves Municipal Hospital, lungsod sa Las Nieves ning probinsya nga adunay kinatibuk-ang badyet nga P3,292,764.20 para sa konstruksyon niini.
Ang maong proyekto ubos sa 6th Supplemental Annual Investment Program (AIP) CY 2022 sa probinsya ug ang pundo alang sa pagpatuman niini kuhaon gikan sa 20% development fund uyon sa SB No. 4, CY 2022.
Aduna nay otoridad si Governor Ma. Angelica Rosedell M. Amante sa pagpirma sa Contract Agreement tali sa J-R3 Construction Supply aron masugdan na ang maong proyekto pinaagi sa Sanggunian Resolution No. 577-2023 sa pagpaningkamot ni bokal Dick Victor B. Carmona. (SVDeligero, PLGU-Agusan del Norte)
