Unserviceable equipment i-auction sa health office sa AgNor
DAKBAYAN SA BUTUAN -- Aduna nay pagtugot sa Sangguniang Panlalawigan sa Agusan del Norte ang pag-auction sa mga unserviceable equipment sa Provincial Health Office (PHO) sa Agusan del Norte human gitagaan ni Governor Angelica Rosedell Amante sa otoridad alang niini.
Kini nga mga unserviceable equipment mao ang mechanical beds, aluminum doors, autoclave, wheel chairs, steel cabinets, air conditioner, ug uban pa.
Ang pagtugot sa auction sale gipaagi sa Sangguniang Resolusyon No. 571-2023 sa pagpangamahan ni bokal Ryan Jade Lim, tsirman sa Committee on Human Settlement, Land Use and Provincial Properties.
Alang sa mga interisado nga mga bidders mamahimong mubisita lamang sa Provincial General Services Office alang sa dugang impormasyon. (Reel F. Deligero, PLGU-Agusan del Norte/PIA-Agusan del Norte)
