60 ka panimalay sa Sitio Cambinliw, Loreto, nakabenepisyo sa electrification program
Ang Dinagat Islands Electric Cooperative, Inc. (DIELCO) mipahigayon og energization ceremony ubos sa programang Sitio Electrification Program (SEP) nga may 60 ka panimalay ang nakabenipisyo sa pasiga sa kuryente dinhi sa Purok 4B Rubenian chapter, Sitio Cambinliw, Barangay Santiago, sa Loreto, probinsya sa Dinagat Islands.
Sumala pa ni Mayor Doandre Bill A. Ladaga, nga kinasing-kasing ang iyang pagpasalamat ngadto sa mga kugihan nga mga opisyales ug lineman sa DIELCO, ug gawas usab sa kuryente, daghan pang mga proyekto ang ibutang dinhi nga lugar aron sa pagpalambo.
Malipayon usab ang mga lumulupyo sa Purok 4B nga natuman na gayud ang ilang pangandoy nga maka kuryente na.
Gitambungan kini nga seremonyas ni Board Director Eduardo Mas-ing, Santiago barangay officials, DIELCO representative, Loreto Bureau of Fire Protection personnel, ug mga benepisyaryo sa SEP. (MIO-Loreto/PIA-PDI)
