Distribusyon sa land titles sa mag-uuma, nagapadayon sa Dinagat Islands
By Renelle L. Escuadro
Ang pag-apod-apod sa mga sertipiko sa panag-iya sa yuta nahimong posibli pinaagi sa dakong tabang ni Congressman Alan 1 B. Ecleo sa iyang mainitong suporta, sa ibabaw niining nanguna nga ahensya agig pag-asikaso sa Department of Agrarian Reform (DAR) nga gipangulohan ni Provincial Agrarian Reform program officer, Engr.Milagrosa B. Bulawan.
Dako usab ug tabang ang hingpit nga koordinasyon sa Department of Environment and Natural Resources (DENR) nga nagpahigayon og survey sa kayutaan og kini giaprobahan aron mahimoan og titulo, sa samang higayon gi-endorso kini nga mga yuta sa DAR aron maproseso ang ilang mga papeles ug ang Land Registration Authority (LRA) pagrehistro sa mga titulo sa yuta sa pagpanguna ni deputy register of deeds Emilie B. Quines.
Sa LGU - Tubajon, 37 ka mag-uuma ang nakadawat gikan sa Barangay San Vicente, ug duha sa Barangay San Roque. Lain pang 27 ka benepisyaryo ang nakadawat sa Barangay Santa Cruz sa munisipyo sa Loreto.
Ang distribusyon sa CLOA sa LGU - Cagdianao nahitabo sa Disyembre 8, mga 11 ka mag-uuma ang bag-o lang nahimo nga landowners nga gikan sa barangay Cabunga-an (3), Poblacion (1), Laguna (1), Tigbao (1), Maatas (3) ug R. Ecleo (1). (RLE/PIA-PDI)
