Bag-ong SK officials sa Loreto, misalmot sa mandatory training
BUTUAN CITY -- Pinaaagi sa pagpanguna ni Mayor Lorife Magadan-Otaza, nagmalamposon ang gipahigayon nga Sangguniang Kabataan Mandatory Training sa lungsod sa Loreto niadtong Nobyembre 11 – 12, didto sa Microtel, Agusan del Sur.
Anaa usab sa maong kalihokan ang municipal administrator, Samson Ramilo uban ang mga nagkadaiyang speakers ug mga organisasyon sa mga kabataan sa panguna sa Local Youth Development Office (LYDO).
Topics and speakers:
•
Decentralization ang Local Governance - Mary Nol P. Aban, municipal local
government operations officer (MLGOO) VI
• SK
History and Salient Features - Maricel P. Perez, LYDO-designate
•
Meetings and Resolution - Jun Ian A. Facundo, municipal internal
auditor-designate
•
Planning and Budgeting - Engineer Rayconiff A. Castillo, MPDO
• Code of Conduct and Ethical Standards - Aliannah C Abbas-Silagan, public relations officer III
Kini nga kalihokan subay sa Section 28 sa Republic Act No. 10742, o nailhan nga SK Reform Act of 2015, nga gi-amendar sa Republic Act No. 11768, ang tanang mga Sangguniang Kabataan officials ug Local Youth Development Council (LYDC) kinahanglan nga mopailawom sa mandatory training program sa dili pa sila maka-assume sa katungdanan aron makasiguro nga sila hingpit nga makahimo ug makatuman sa ilang mga responsibilidad sa hustong paagi ug sa hingpit nga pag-assume sa ilang posisyon. (LGU Loreto/PIA-Agusan del Sur)
