Basura bayloan ug bugas, gilunsad sa LGU - San Francisco
Gipangunahan sa Municipal Environment and Natural Resources Office (MENRO) sa San Francisco, Agusan del Sur ang usa ka inisyatiba kung diin ang basura nga plastik bayloan ug bugas nga gilunsad niadtung Oktubre 31, 2023 nga adunay slogan nga “Gulatin mo sila… sa ecobricks mong gawa, basura na, maging bigas pa” (Surprise sila … sa mga ecobricks nga imong gihimo, ang plastic nga basura mahimong bugas).”
Ang
exchange hub nahimutang sa MENRO stall sulod sa sinemana nga Kadiwa Market, nga
gipahigayon matag Martes duol sa national highway atubangan sa municipal hall
para sa tanang residente sa munisipyo nga gidasig nga mosupporta sa programa.
Aduna
usab gipahitabong live demonstration ang Eco Savers Club sa Agusan del Sur
National High School ug unsaon paghimo ang ecobricks ug ang mga criteria ani sa
pagpabaylo sa bugas.
Gipaambit
ni Mayor Grace Carmel Paredes-Bravo ang iyang kahinam bahin sa doble nga
benepisyo sa proyekto. Matod niya nga ang mga nakolektang ecobricks gamiton sa
pagtukod og guardhouse sa Municipal Ecopark sa Sitio Damilag, Barangay
Pisaan.
“By
participating, you are not only helping the environment but also contributing
to your daily food consumption,” sigon ni Mayor Bravo.
Giawhag
usab sa mayor ang mga residente, hilabina ang mga ginikanan nga naa sa ilang
mga panimalay, nga aktibong mosalmot sa kampanya sa paghimo og ecobrick.
Ang
inspirasyon alang kini nga eco-friendly nga inisyatiba naggikan sa Eco Savers
Club sa Agusan del Sur National High School, nga adunay plano nga magtukod usa
ka ecobricks building sulud sa eskuylahan.
Sa
katapusan ang mayor mipaabot usab og imbitasyon sa ubang mga tunghaan nga
aktibong mosalmot sa ecobricks-to-rice exchange program.
Ang bugas nga nakuha pinaagi niini nga inisyatiba, matod niya, makasuporta sa ilang feeding programs alang sa mga kabus nga mga estudyante, pagpalambo sa usa ka sa komunidad ug responsibilidad sa katawhan sa kinaiyahan. (MIO-San Francisco/PIA-Agusan del Sur)
