Barangay Tinucoran, nanguna sa Re-create: Recycled Art Contest
LAS NIEVES, Agusan del Norte -- Gibansag isip 1st placer ang Barangay Tinucoran sa Las Nieves, Agusan del Norte sa gipahigayon nga culmination program sa Department of Health nga Re-create: Recycled Art Contest for a healthy Pilipinas," sa lobby sa Municipal Government Building, nga atol usab sa pagsilibrar sa Environmental Health Month 2023.
Ang pagpahigayon sa Re-create: Recycled Art Contest for a healthy Pilipinas gipangunahan sa Rural Health Unit ubos sa pagdumala ni Dr. Rosemarie Dolores Ruelan.
Nasungkit ang second place sa Barangay Rosario, ug ang third place sa Barangay Consorcia. Ang Barangay Tinucoran nakadawat ug P8,000, nakadawat ug P6,000 ang Barangay Rosario ug and Barangay Consorcia nakadawat ug P4,000.
Ang kontes gipartisiparan sa top 3 barangays sa Las Nieves sa Advancing Initiatives Development (ADI) evaluation sa tuig 2022.
Ang pag grado gihimo sa mga judges nga mitambong sa maong aktibidad ug 10 porsyento sa grado gikan sa reactions, comments, ug shares sa social media post nga gihimo.
Gipaabot usab ni Abraham Hewe, ang municipal nutrition action officer, ang iyang pagdasig sa mga barangay nga magpadayon nga musuporta sa mga programa sa panggamhanan nga maykalambigitan sa pagpalig-on sa kahimsog sa katilingban.
"Hinaot unta nga magpadayon ang atong pagtinabangay padulong sa usa ka mas hinlo ug healthy nga Las Nieves."
Mitambong usab sa aktibidad sila Yvan Joshua C. Cuadra, ang education promotion officer designate gikan sa DOH-Provincial Office; Cyra Mae Caindoy, environmental monitoring officer gikan sa Environmental Management Bureau; ug Princes Pedrosa, ang municipal HEPO coordinator. (MLGU PIO, Las Nieves/PIA Agusan del Norte)
