3 ka Agusanons, napilian nga nat'l outstanding social workers
DAKBAYAN SA BUTUAN -- Tungod sa kakapas ug tinud-anay nga pag panerbisyo sa katawhan, tulo ka mga social workers gikan sa lungsod sa Cabadbaran ang gipili ug nahimong awardee sa Search for National Outstanding Social Wokers karon nga tuig.
Ang awarding gipahigayon atol sa ika-75 ka tuig sa Philippines Association of Social Welfares Inc. (PASWI) pinaagi sa gihimo nga Memories and Milestone: Platinum Jubilee Celebration Awards and Recognition Ceremony didto sa Fiesta Pavillon, The Manila Hotel, Metro Manila.
Giila ang maong mga social workers nga sila Joan Atega Monding, Cabadbaran Sangguniang Panlungsod member, ug cila Oscar Alvar M. Fajardo ug France Berry E. Labrador, nga mga social workers officers II sa lungsod, sa ilang kontribusyon sa komunidad nga nagsilsil sa kasing-kasing ug huna-huna sa mga tawo nga ilang gialagaran. Ang ila serbisyo nagsilbi gayod inspirasyon ug ang ilang milestone nga ilang nakab-ot seguradong mahimong sumbanan sa umaabot nga henerasyon sa mga social workers.
Nahisubay ang maong pag-ila sa Civil Service Commssion(CSC), Executive Order No. 77, series of 1993, Amending Executive Order No. 508, S. of 1992, nga nag ingon, “Instituting the Lingkod Bayan Award as the Presidential award for Outstanding Public Service.”
Ang probinsya maghatag usab og insentibo alang sa maong PASWI awardees sa kantidad nga P10,000 sa matag awardee.
Ang pag-ila niini nga mga awardees ingon man ang gihatag nga mga ganting salapi maghatag og dungog ug garbo sa tibuok probinsya ug ingon man makapausbaw sa moral sa maong mga awardees ug uban social workers nga nagbuhat og mga maayong buhat. (Reel Francisco Deligero, Photo by Dr. Silver Joy Tejano, LGU Agusan del Norte/PIA Agusan del Norte)
