(PAGASA 24-HOUR PUBLIC WEATHER FORECAST as of Friday, 24 May 2024) ๐—ง๐—ฟ๐—ผ๐—ฝ๐—ถ๐—ฐ๐—ฎ๐—น ๐—–๐˜†๐—ฐ๐—น๐—ผ๐—ป๐—ฒ #AghonPH ๐—ฎ๐—ณ๐—ณ๐—ฒ๐—ฐ๐˜๐—ถ๐—ป๐—ด ๐˜€๐—ฒ๐˜ƒ๐—ฒ๐—ฟ๐—ฎ๐—น ๐—ฝ๐—ฎ๐—ฟ๐˜๐˜€ ๐—ผ๐—ณ ๐— ๐—ถ๐—ป๐—ฑ๐—ฎ๐—ป๐—ฎ๐—ผ. ๐‹๐จ๐œ๐š๐ญ๐ข๐จ๐ง ๐จ๐Ÿ ๐„๐ฒ๐ž/๐œ๐ž๐ง๐ญ๐ž๐ซ: at 5:ooam this morning, at 340 km East of Hinatuan, Surigao del Sur (08.6 °N, 129.4 °E ) ๐Œ๐จ๐ฏ๐ž๐ฆ๐ž๐ง๐ญ: Moving West Northwestward at 30 km/h ๐’๐ญ๐ซ๐ž๐ง๐ ๐ญ๐ก: Maximum sustained winds of 45 km/h near the center and gustiness of up to 55 km/h ๐–๐ข๐ง๐ ๐’๐ข๐ ๐ง๐š๐ฅ: as of 05:00am TCWS no.1 Dinagat Islands, Siargao Islands, and Bucas Grande Islands.


Friday, 13 October 2023

Gulayan sa Bakuran, ipatuman sa Magallanes, Tubay

DAKBAYAN SA BUTUAN -- Hugtanong ipatuman sa mga lungsod sa Magallanes ug Tubay, sa probinsya sa Agusan del Norte, ang pagbaton og communal garden o backyard garden sa matag barangay niini. Kini subay sa Memorandum Circular No. 2023-001 sa Department of the Interior and Local Government (DILG) nga Halina’t Magtanim ng Prutas at Gulay (HAPAG).

Tumong niini nga mapasiugda ang kapasidad sa matag barangay kabahin sa malungtarong pagpananom aron adunay dugang kakuhaan nga pagkaon ug masiguro ang seguridad sa pagkaon.

Gimando sa lungsod sa Magallanes ug Tubay sa tanang barangay nga sakop niini nga magtanom  og lain-laing utanon, medicinal plants, root crops, ug fruit-bearing trees nga dili mo ubos sa lima ka klase niini.

Ang pagpursige kanila sa pagpananom i-establisar aron ang matag-usa mas mamahimong madiskarte, ug  responsable sa panginabuhian.

Ang konseho sa barangay mao nay makig-alayon sa mga munisipyo alang sa mga bakanteng propyedad nga gipanag-iyahan sa lokal nga panggamhanan o private individuals para sa pag-establisar sa community garden.

Sa laing bahin, magpahigayon usab ang lungsod sa Tubay og Best Performing Barangay alang sa implementasyon sa kaugalingo’ng backyard garden sa matag panimalay. Gipahibalo sa maong lungsod nga kung sobra sa 10 percent sa total households and wala ni comply, ang maong barangay ma disqualified sa annual search ug sa unsa paman nga mga incentives nga ihatag sa LGU.

Ang Municipal Ordinance No. 016-2023 sa Magallanes, ug Municipal Ordinance No. 2023-152 sa Tubay, gideklarang balido sa Sangguniang Panlalawigan sa ilang ika-55 sesyon regular pinaagi sa  Sangguniang Resolution No. 470 ug 471-2023, nga gi-endorso sa maong mga lungsod aron sa legal nga pagpatuman. (SVDeligero, LGU Agusan del Norte/PIA Agusan del Norte)