(PAGASA 24-HOUR PUBLIC WEATHER FORECAST as of Saturday, 22 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).

Wednesday, 6 September 2023

AgNor nag benchmarking sa housing, resettlement projects sa Bukidnon

DAKBAYAN SA BUTUAN – Mibisita sa probinsya sa Bukidnon ang local government unit  sa Agusan del Norte, pinaagi sa ilang Housing Development Technical Working Group (TWG) ug sa Sangguniang Panlalawigan members, pinangunahan nila ni Provincial Governor Ma. Angelica Rosedell M. Amante ug Vice Governor Enrico R. Corvera, alang sa usa ka benchmarking sa Malaybalay City, Bukidnon. 

Tumong sa LGU-Agusan del Norte nga makakuha ug dugang kahibalo gikan sa PGO-Real Estate and Housing Development Division (REHDD) sa Provincial Government of Bukidnon (PGB) sa nahimong best practices niini, ilabi na sa epektibong implementasyon sa housing and resettlement projects nga natukod sa nagkadaiyang lungsod ug syudad sa lalawigan.

Gisusi sa grupo ang mga pamaagi sa mas hapsay, episyente ug malungtaron nga implementasyon sa maong programa nga mamahimo unya nilang sumbanan ug giya sa katukuran sa shelter and housing projects alang sa mga Agusanons, pinaagi sa gimugna niini nga Shelter and Development Division ubos sa Provincial Planning & Development Office (PPDO).

Mismo si Bukidnon Provincial Governor Rogelio Neil P. Roque ang personal nga mi-abi-abi sa bisitang grupo ug nagpaabot sa iyang pagpasalamat nga napili ang Bukidnon nga usa sa makahatag ug kahibalo alang sa kalampusan sa ilang tinguha.

Aktwal nga gibisita sa grupo ang duha ka mga housing projects sa PGB sa Natid-asan, Barangay Casisang ug ang Panorama Heights Subdivision sa Purok-4, Barangay Kalasungay nga parehong nahimutang sa syudad sa Malaybalay, aron personal nilang makita ug masusi ang lugar ug ang mga desinyo niini.

Ang probinsya sa Agusan del Norte ang ika-29 na nga delegado nga mipahigayon ug benchmarking activity sa probinsya sukad sa katukuran sa REHDD niadtong tuig 1994. (AgNor Bulletin/Photos by LGU Bukidnon/PIA Agusan del Norte)