(PAGASA 24-HOUR PUBLIC WEATHER FORECAST as of Monday, 26 February 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate seas (0.6 to 2.5 meters).


Wednesday, 6 September 2023

Las Nieves Municipal Advisory Group, adunay bag-ong myembro ug opisyales

LAS NIEVES, Agusan del Norte -- Aduna nay napili nga mga bag-ong miyembro ug opisyales ang Municipal Advisory Group (MAG) sa Police Transformation and Development sa Las Nieves, Agusan del Norte.

Ang mga bag-ong miyembro ug opisyales sa MAG unang naghimo og panagpulong niadtong Agosto 31 sa Las Nieves Municipal Police Station (LNMPS) sa Barangay Poblacion.

Ang panagtigom sa MAG misentro sa bag-ong organizational structure sa grupo ug paghatag sa mga updates gikan sa kapulisan nga gipahigayon ni PCapt. Charlon Montero, ang hepe sa LNMPS.

Gipili isip bag-ong chairman sa MAG si Bishop Carlito Verzano ug gi iila usab sa grupo ang mga bag-ong miembro sa advisory group.

Lakip sa nahisgutan ang padayong kampanya sa kapulisan sa Las Nieves batok sa iligal nga droga, sugal, iligal nga pagpangisda, loose firearms, ug mga wanted persons.

Sumala sa datos sa LNMPS, sukad Hulyo hangtod Agosto niining tuiga, mokabat sa 20 na ka operasyon ang napahigayon batok sa nagkalain-laing iligal nga binuhatan nga mi resulta sa pag-aresto sa 18 ka mga indibidwal o suspetsado.

Sa 20 ka mga operasyon sulod sa duha ka bulan, 3 niini ang batok sa iligal nga pasugal, 7 sa loose firearms, 3 sa wanted persons, 1 sa illegal logging, 4 sa illegal fishing, ug 2 sa illegal drugs.

Sa iligal nga pasugal, 12 ka mga suspetsado ang nasikop ug PHP1,570 nga kwarta nga pusta ang nakumpiska; samtang sa illegal logging, 1,802 ka board feet nga mga kahoy ang nasikop nga nagkantidad og P6,000.

Sa kampanya sa iligal nga druga sulod sa 2 ka bulan, 2 ka mga suspetsado ang na aresto sa kapulisan nga mi resulta usab sa pagkumpiska sa 12.5 ka gramo nga nagkantidad sa P85,000.

Gipasigarbo usab ni Montero nga sa 11 ka mga istasyon sa ubos sa Agusan del Norte Police Provincial Office, anaa sa top 2 ang LNMPS sa Unit Performance Evaluation Rating (UPER) Summary for July 2023.

“Dako akong akong pagsalig nga pinaagi sa aning Advisory Group, mas mapalapad pa ang serbisyo sa kapulisan diri sa Las Nieves,” matud pa ni Montero.

Gitagaan usab ni Myrna Libao, ang Municipal Local Government Operations Officer og dakong kabug-aton ang papel sa MAG alang sa pag-abag sa kapulisan sa Las Nieves. 

Sa iyang mensahe, gi welcome ni Mayor Karen Rosales ang mga bag-ong miyembro ug opisyales sa MAG sa lungsod.

“Mapasalamaton ako sa inyong paghatag og higayon ug kaandam sa pagserbisyo sa atong lungsod. Laumi ninyo ang hugot nga suporta sa lokal nga panggamhanan sa Las Nieves sa inyong mga programa alang sa kahusay ug kalinaw sa atong lungsod,” padayag sa mayor.

Iyang gidugang nga anaa sa panaghiusa ang susi sa pagkab-ot sa kahusay ug kalinaw sa lungsod nga moresulta usab sa kalamboan sa mga komunidad ug katawhan. (LGU Las Nieves/PIA Agusan del Norte)