CENRO Tubay nag-donar ug ‘forest products’ sa AgNor
 |
| Photo: Ctto |
DAKBAYAN SA BUTUAN -- Atol sa gipahigayon nga 52nd regular session sa Sangguniang Panlalawigan sa Agusan del Norte, sa pagpanguna ni Bise Gob. Enrico R. Corvera kauban ang mga SP Members, gihatagan og pagtugot si Gob. Angel Amante nga permahan ang Deed of Donations (DOD) taliwala sa lokal nga panggamhanan sa Agusan del Norte ug Department of Environment and Natural Resources (DENR) Community ENRO sa Tubay, Agusan del Norte para sa donasyon sa forest products gikan sa CENRO Tubay ngadto sa probinsya.
Dawaton sa probinsya ang mga musonod: klase-klase sa kahoy nga Antipolo, Hindang ug Anangilan nga muabot sa 104 kabook nga na’y sukod nga 8.47 cu.m ug 4 kabook nga mixed Diptercarp species nga naa usab sukod nga 1.59 cu.m.
Kini nga mga produkto sa kalasangan gamiton isip construction materials alang sa pagtukod sa nahibiling 3 ka housing units alang sa mga IP sa Sitio Matingue, Santiago, Agusan del Norte, ug alang sa pagtukod sa piggery house isip ilang laing tinubdan sa kita.
Ang maong donasyon nahisubay sa Malacañang Memorandum Order No. 162, series of 1993, “Providing Guideliness for the Disposition of Confiscated Logs, Lumber and other forest Products for public infrastructure projects and other purposes.”
Nahisulat usab sa DOD nga ang donated nga mga forest products “shall not be sold in any form but be used solely in response to the latter’s needs of a raw wood materials for the purpose.”
Ang maong resolusyon gi aprobahan sa pagduso ni Bokal Ryan Jade D. Lim, tsirman sa Committee on Human Settlement, Land Use and Provincial Properties pinaagi sa Sanggunian Resolution No. 481-2023. (Reel Francisco Deligero, PLGU Agusan del Norte/PIA Agusan del Norte)
