AgNor may bag-ong akredited CSO
DAKBAYAN SA BUTUAN -- Aron mas masuportahan pa ang implementasyon sa mga programa ug proyekto sa probinsya sa Agusan del Norte, gihatagan Sangguniang Panlalawigan og akreditasyon ang Mindanao Movement for Economic Progress and Development Association (MMEPDA) Inc., ug ang Philippine Society of Mines Alumni and Students Organization (PSMASO) Inc. isip non-government organization (NGO’s) sa probinsya.
Kini nahisubay sa mandato sa Section 34 sa Local Government Code of 1991 nga naghisgot, “encourages LGU’s to promote the establishment of people’s and non-governmental organizations to be active partners in the pursuit of local autonomy and community development”.
Tumong niini nga masuportahan sa MMEPDA ug PSMASO nga nahimutang sa lungsod sa Buenavista ang economic development and stable job opportunity para sa katawhan sa Mindanao, ang pagpalambo sa farming and fishing, coconut and abaca industry sa Mindanao ug ang Social Development Community.
Gitugutan kini pinaagi sa Sanggunian Resolution No. 476-2023 sa pagpaningkamot ni Bokal Francisco Y. Chan Jr. tsirman sa Committee on Cooperatives and Community Organizations atol sa ika-52nd regular session niadtong ika-29 sa Agosto, 2023. (Reel Francisco Deliger, PLGU Agusan del Norte/PIA Agusan del Norte)
