(PAGASA 24-HOUR PUBLIC WEATHER FORECAST as of Sunday, 21 April 2024) Easterlies affecting the country. π—¦π—¬π—‘π—’π—£π—¦π—œπ—¦: Trough of a Low Pressure Area (LPA) affecting southern Mindanao. Ridge of High Pressure Area extending over the eastern sections of Northern and Central Luzon. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Cloudy skies with scattered rainshowers and thunderstorms due to Trough of a Low Pressure Area (LPA). Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Friday, 22 September 2023

Dugang 14 ektaryas, nakatakdang tamnan og commercial trees sa Nasipit

DAKBAYAN SA BUTUAN -- Dugang pang 14 ektaryas ang nakatakdang tamnan og commercial trees ubos sa kampanyang Plant! Plant! Plant! sa AGUSAN UP! sa Sitio Balaatan, Camagong, Nasipit, Agusan del Norte isip resulta sa laing land preparation training nga gisugdan karon, Septiyembre 12, ug sa temporaryong trabaho nga mahatag sa motanum ubos sa Tulong Panghanapbuhay Para sa Disadvantage/Displaced Workers (TUPAD).

Hiniusang gipahiluna sa mga buhatan ni Kongresita Dale B. Corvera ug Gob. Ma. Angelica Rosedell M. Amante ang pagbansay ubos sa programang “Pagbansay Ngadto sa Paglambo” pinaagi sa Special Training for Employment Program (STEP) sa Techicnical Education and Skills Development Authority sa Technical Education and Skills Deelopment Authority (TESDA) ug ang temporaryong trabaho pinaagi sa sa Tulong Panghanapbuhay Para sa Disadvantage/Displaced Workers (TUPAD) sa Department of Labor and Employment (DOLE).

Apil sa mga itanum mao ang falcatta ingon man ang mahogany ug narra.

Ang mga nagbansay kabahin sa 646 tanan nga apil ning unang hugna sa mga “Pagbansay Ngadto sa Paglambo”. Kapin sa 400 kanila nagbansay sa pagpapananum og gulay, high value crops ug commercial trees, ang priorities ubos sa Plant! Plant! Plant! Project a AGUSAN UP! nga gilusad niadtong 2019 ug hiniusang ipursige karon nila ni Kongresista Corvera ug Gob. Amante. 

Ang mga makatrabaho sa TUPAD sa laing bahin, apil sa 354 tanan niini nga hugna. Mosuma na kini sa kapin sa 4,000 tanan sukad sa paglingkod sa kongresista ug nakatakdang gatusan pa ang ipahiluna aron mas lapad pa ang matamanan.

Ubos ning maong hugna sa TUPAD makatrabaho ang usa ka benepisyaryo sulod sa 15 ka adlaw sa sweldo nga P350 ang adlaw o P5,250 sulod sa 15 ka adlaw.

Lahi sa naandang nahimong trabaho ubos sa TUPAD nga magsilhig-silhig lang o maglimpyo lang sa lagwerta, direksyon sa TUPAD ubos sa pagpahiluna ni Kongreista Corvera mao nga makatanum ang mga benpisyaryo sunod sa gipunting sa AGUSAN UP!

Ubos sa AGUSAN UP! gipunting ubos sa Food Secuirty Enhancement Project niini nga maka-maintain og kapin kon kulang 500 hectares nga gulayan isip dugang sa gitaho nga 200 ektaryas karon aron reguar nga maka-suplay og gulay sa mga residente niini.  

Gipunting usab nga makatanum ubos sa Plant! Plant! Plant! nga proyekto niini og commercial trees sa 100,000 ektaryasug high value crops sa 25,000 ektaryas.

Ang Sitio Balaatan gipahiluna usab nga mahimong lokasyon sa nursery sa commercial trees nga gamiton sa kampanya sa Plant! Plant! Plant! (Charlyn Hernadez Laurea, 2nd Congressional District Office/PIA Agusan del Norte)