Programa sa tilapia culture, pagpananum naghatag trabaho sa Cabadbaranons
DAKBAYAN SA BUTUAN -- Upat ka fishponds sa tilapia ug dugang usa ka ektarya nga gulayan ang gipunting nga ipahiluna sa 55 ka benepisyaryo ning laing hugna sa Tulong Panghanapbuhay para sa Disadvantaged/Displaced Workers (TUPAD) sa Department of Labor and Employment (DOLE) nga gipahiluna ni Kongresista Dale B. Corvera sa Barangay Mahaba, sa syudad sa Cabadbaran nga gisugdan pagpatuman kaniadtong Septiyembre 19.
Laing duha usab ka ektarya nga gulayan ang gipunting nga mapahiluna sa laing 25 nga nakatrabaho ubos sa TUPAD sa Purok 2, Puting Bato, Cabadbaran usab ang gisugdan.
Gawas niini, nakatagana usab ang gatusan ka ekatarya nga luna nga tamnan og cacao ug kape sa Mahaba ug 60 ektaryas alang sa abaka, saging ug commercial trees sa Putting Bato alang sa mosunod nga hugna sa pagpananum, una ubos sa “Pagbansay Ngdato sa Paglambo” pinaagi sa Special Training Pogram for Employment Program (STEP) sa Depatment of Labor and Employment (DOLE) nga himoon sa Putting Bato ug sa Mahaba sa Oktubre ug sa mga pagpananum nga ilang himoon unya sa ilang kaugalingon.
Sa kinatibuk-an, 80 ang benepisyaryo sa TUPAD sa Cabadbaran ning maong hugna, kabahin sa 4,000 na tanan nga napahiluna sa kongresista sukad sa iyang pag-lingkud sa ikadugahng distrito sa Agusan del Norte.
Ubos ning maong hugna sa TUPAD makatrabaho ang usa ka benepisyaryo sulod sa 15 ka adlaw sa sweldo nga P350 ang adlaw o P5,250 sulod sa 15 ka adlaw.
Lahi sa naandang nahimong trabaho sa ubos sa TUPAD nga magsilhig-silhig lang o maglimpyo lang sa lagwerta, direksyon sa TUPAD ubos sa pagpahiluna ni Kongreista Corvera mao nga makatanum ang mga benpisyaryo sunod sa gipunting sa AGUSAN UP!, ang kampanya sa pagpalambo nga hiniusang gipursige nila ni Gob. Ma. Angelica Rosedell M. Amante.
Ubos sa AGUSAN UP! gipunting ubos sa Food Secuirty Enhancement Project niini nga maka-maintain og kapin kon kulang 700 ektaryas nga regular nga gulayan aron maka-suplay og gulay gikinahanglan sa mga residente sa probinsya.
Gipunting usab nga makatanum ubos sa Plant! Plant! Plant! nga proyekto niini og high value crops sa 25,000 ektaryas ug commercial trees sa 100,000 ektaryas. (Charlyn Hernandez Laurea /Agusan del Norte 2ndCongressional District Ofice/PIA Agusan del Norte)
