(PAGASA 24-HOUR PUBLIC WEATHER FORECAST as of Monday, 04 March 2024) Northeast Monsoon affecting Luzon. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur, will experience partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. Moderate to strong winds coming from Northeast to East will prevail with moderate to rough seas (1.2 to 2.8 meters).


Tuesday, 15 August 2023

Mangga sa Carmen, Agnor, todo ang suporta sa pagpalambo

CARMEN, Agusan del Norte -- Nag una’ng produkto sa lungsod sa Carmen ang prutas nga mangga diin gibana-bana nga aduna’y 63,564 ka punuan niini sa tibook lungsod rason nga nagpalabang ang maong lungsod og ordinansa nga nag tumong sa mas todo nga pagpromotar sa produksyon, processing ug marketing sa maong produkto.

Kini ang unod sa ilang Municipal Ordinance No. 24 series of 2023 nga naglayon nga mamahimo’ng globally competitive ang buhaton nga mango industry ug mapadaghan ang produksyon niini nga luwas ug dekalidad lakip na usab ang mga mahimo’ng by-products.

Tungod niini gimugna ang Carmen Mango Development Board (CMDB) nga gilangkuban sa mayor, Municipal Agriculture Office, DTI, MENRO, MEEDMO, Municipal Budget Office, Association of Barangay Captains ug mga mango growers. Sila ang mag mentenar sa insakto, patas ug progresibo nga pagdumala sa gitakda’ng proyekto. 

Pangunahan sa board ang pag implementar og programa alang sa promosyon sa mangga, paghatag og mga ekipo ug teknolohiya alang sa produksyon, preservation ug uban pang proseso sa mangga. Lakip na usab ang pagplastar sa pundo, grants ug donasyon alang sa kalambuan sa mao’ng mango industry.

Makatabang usab ang maong lakang aron mudako ang income sa mga mango growers ug mamaligyaay niini tungod proyoridad sa maong proyekto nga ma-modernize ang pamaagi sa pag-harvest ug mag implementar og epektibo’ng estratehiya sa pagbaligya.

Alang sa tukma’ng desposisyon niini, nag alokar og P1 milyones ang lokal nga panggamhanan sa Carmen nga gamiton aron mamahimo’ng posible ang mao’ng proyekto. 

Hugtanon kini’ng gisuportahan sa probinsya pinaagi sa pagpalabang sa Sanggunian Resolution No. 413-2023 sa pagduso ni Bokal Erwin L. Dano ang tsirman sa komitiba sa Agriculture and Agrarian Reform niadtong Hulyo 25 ning tuig atol sa ika 48 nga sesyon regular. (PLGU Agusan del Norte/PIA Agusan del Norte)