(PAGASA 24-HOUR PUBLIC WEATHER FORECAST as of Friday, 24 May 2024) ๐—ง๐—ฟ๐—ผ๐—ฝ๐—ถ๐—ฐ๐—ฎ๐—น ๐—–๐˜†๐—ฐ๐—น๐—ผ๐—ป๐—ฒ #AghonPH ๐—ฎ๐—ณ๐—ณ๐—ฒ๐—ฐ๐˜๐—ถ๐—ป๐—ด ๐˜€๐—ฒ๐˜ƒ๐—ฒ๐—ฟ๐—ฎ๐—น ๐—ฝ๐—ฎ๐—ฟ๐˜๐˜€ ๐—ผ๐—ณ ๐— ๐—ถ๐—ป๐—ฑ๐—ฎ๐—ป๐—ฎ๐—ผ. ๐‹๐จ๐œ๐š๐ญ๐ข๐จ๐ง ๐จ๐Ÿ ๐„๐ฒ๐ž/๐œ๐ž๐ง๐ญ๐ž๐ซ: at 5:ooam this morning, at 340 km East of Hinatuan, Surigao del Sur (08.6 °N, 129.4 °E ) ๐Œ๐จ๐ฏ๐ž๐ฆ๐ž๐ง๐ญ: Moving West Northwestward at 30 km/h ๐’๐ญ๐ซ๐ž๐ง๐ ๐ญ๐ก: Maximum sustained winds of 45 km/h near the center and gustiness of up to 55 km/h ๐–๐ข๐ง๐ ๐’๐ข๐ ๐ง๐š๐ฅ: as of 05:00am TCWS no.1 Dinagat Islands, Siargao Islands, and Bucas Grande Islands.


Friday, 4 August 2023

Scholarships sa mga kabatan-onan, gitakda sa Las Nieves

LAS NIEVES, Agusan del Norte -- Usa ka executive order ang gipagawas ni Mayor Karen Rosales niadtong July 21, 2023 nga nagtakda sa usa ka scholarship program alang sa mga kabatan-onan sa lungsod sa Las Nieves.

Ang EO No. 20, series of 2023 kon “An Order Instituting the Las Nieves Scholarship Program and Providing Guidelines in the Implementation Thereof,” naglatid sa mga pamaagi aron ang usa ka Las Nievesnon nga pamatan-on maka-avail sa scholarship program.

Ang pagpagawas sa EO-20 nahisubay sa probisyon sa Section 1, Article XVI sa Konstitusyon sa nasud aron sa pagprotekta sa katungod sa katawhan ngadto sa kalidad nga edukasyon sa tanang ang-ang, ug paghimo niini ang accessible sa tanan.

“Tumong sa kasamtangang administrasyon sa lokal nga panggamhanan sa Las Nieves ang paghatag sa scholarship program nga motubag sa panginahanglan sa katawhan sa lungsod,” matud pa sa mayor.

Iyang gidugang nga ang scholarship, nga ihatag pinaagi sa tuition ug stipend, makahatag usab sa lungsod og mga trabahante nga adunay kalidad ug katakus sa panerbisyo sa katawhan. Gilatid sa EO-20 ang mga gabayan, pamaagi ug mga panginahanglanon aron maka-avail sa scholarship program.

Mahimong maka-avail sa programa ang mga residente sa Las Nieves sulod sa duha (2) ka tuig sa dili pa mo-apply sa scholarship; adunay good moral character; wala pa naka-benepisyo sa ubang scholarship ug financial grants gikan sa pribado o sa gobyerno; ug na-enroll na sa mga kurso nga gi-prescribe sa LGU Las Nieves ug sa Commission on Higher Education (CHED).

Ang mga kategorya sa programa naglangkob sa Scholarship on Tertiary Education Program (STEP), Scholarship for Indigenous Peoples Program (SIPP), ug ang Scholarship Program for Post Graduate Studies.

Ang mga kursong mahimong i-enroll ubos sa scholarship program mao ang mosunod: Civil Engineering, Mechanical Engineering, Electrical Engineering, Geodetic Engineering, Architecture, Interior Design, Landscape Architecture, Environmental Planning, Agricultural Engineering, Animal Science, Nursing, Midwifery, Pharmacy, Medical Technologist, Computer Sciences, Information Technology, Accountancy, Food Technology, Medicine, ug Law.

Ilalum sa STEP, ang usa ka scholar nga naka enroll sa bisan asa nga State Universities and Colleges (SUCs) and Local Universities and Colleges (LUCs) adunay PHP10,000 nga pambayad sa matriculation ug uban pang galastohan sama sa book allowance, school supplies, ug board and lodging sulod sa usa ka tuig.

Ang usa ka scholar nga naka enroll sa usa ka Private Universities and Colleges mahimong makabaton sa P40,000 nga ayuda sulod sa usa ka school year aron mabayran ang tuition fees ug uba pang galastohan.

Makadawat usab og P10,000 ang scholar ilalum sa STEP alang sa pag review sa board examination fees.

Sa SIPP, ang scholar makadawat sa P100,000 nga financial assistance sulod sa usa ka tuig alang sa usa ka tuig nga galastohan sa pag-eskwela ug laing P10,000 alang sa board review ug examination.

Sa post-graduate studies, ang usa ka scholar mahimong makadawat og P50,000 nga financial assistance nga pambayad sa mga galastohan sa pag-eskwela.

Gitakda usab sa EO-20 nga ang mga makalampos pag eskwela sa medisina ug abogasya kinahanglan usab maghatag og pagserbisyo sa LGU Las Nieves sulod sa usa ka tuig.

Singkwenta ka mga scholars ang pagadawaton sa LGU ilalum sa scholarship program matag tuig.

Nanawagan usab ang lokal nga panggamhanan ngadto sa mga interesado nga mo-avail sa scholarship program sa pag-bisita sa nahintungdang buhatan sa munisipyo aron sa dugang detalye sa programa.

Mahimo usab nga makakuha sa kopya sa EO-20 aron ma review ang mga importanteng probisyon niini. (LGU Las Nieves/PIA Agusan del Norte)