Konsultasyon sa mga commuters sa Butuan, gipahigayon
DAKBAYAN SA BUTUAN -- Padayon nga gipahigayon ang konsultasyon sa mga commmuters sa dakbayan sa Butuan nga naga sakay ug tricycle matag-karon ug unya. Ang maong konsultasyon kalabot gihapon nga gi laraw nga Tricycle Modernization Program (TMP) nga buot ipatuman sa local government unit aron pa-uswagon pa ang tibook nga tricycle transpotation system sa dakbayan.
Una nga gipahigayon ang konsultasyon sa mga trabahante sa LGU niadtong June 30, 2023 ug gitambongan kini sa mga personahe nga gikan sa nagkalain-laing departamento sa LGU. Misunod usab ang konsultasyon sa mga commuters sa "Green Zone" nga gitambongan sa mga pili nga residente gikan sa mga barangay sa Ampayon, Baan Km. 3, Baan Riverside, Banza, Mahogany, Maug, Aupagan, Camayahan, Taguibo, Tiniwisan, Cabcabon, Bobon, Buhangin ug Mahay niadtong July 15, 2023.
Pipila ka gipasibaw sa mga mitambong sa among konsultasyon ang ilang hangyo nga mapa nindot ang mga kalsada aron haruhay ang byahe sa tricycle, strikto nga pagpatuman sa pletehan aron mawala na ang overcharging, mapaniguro nga adunay tricycle nga masakyan sa tanang oras ug dugang sugyot nga mga ruta sa tricycle.
Magpadayon ang konsultsyon sa mg commuters sa umaabot nga mga adlaw aron sa pagkuha sa ilang sentimento ug suhestyon aron mapa nindot pa ang tricycle transport system sa dakbayan. (Butuan City PIO/PIA Agusan del Norte)
