Drug pusher timbog sa kampanya laban sa iligal na droga sa AgSur
Kinilala ni PCol. Canlapan ang suspetsado na 23 taong gulang, may live-in partner, laborer at residente ng Purok-2, Barangay Wasian, Rosario, Agusan del Sur.
Nagsagawa ng operasyon sa kampanya laban sa iligal na droga ang mga tauhan ng Loreto Municipal Police Station (MPS) bilang lead unit at Agsuan del Sur Provincial Intelligence Unit (ADSPIU) sa pamamagitan ng buy-bust operation na nagresulta sa pagkakaaresto sa nabanggit na suspek at pagkakakumpiska ng mga sumusunod na bagay:
a. Tatlong piraso ng heat sealed transparent plastic sachet na naglalaman ng pinaniniwalaang shabu na may tinatayang kabuuang timbang na 0.10 gramo at tinatayang street market value na P680;
b. Isang piraso ng blue lighter;
c. Isang piraso na nakatiklop na aluminum foil strips; at
d. Isang piraso ng P1,000 bill na may serial number AL897528 at hinihinalang buy-bust money.
“Kami ay nangangako na gagawin ang lahat ng aming makakaya, upang masugpo ang iligal na droga at anumang kriminalidad sa ating pinakamamahal na lalawigan,” saad ni PCol. Canlapan.
“Lubos ang aking pagkilala at pasasalamat sa ating mga kapulisan sa Loreto MPS sa ilalim ng pamumuno ni PCpt. Allan Roy Villegas at ADSPIU sa ilalim ni PLtCol. Gauvin Guanzon, ipagpatuloy ang pagpapakita ng tapang, integridad, at dedikasyon sa pagsugpo sa problema ng ilegal droga. Sa inyong pagsisikap, may malaking posibilidad na malalampasan natin ang mga problemang dala ng ipinagbabawal na gamot at magbibigay daan para sa isang mas ligtas na lipunan,” dagdag pa Canlapan.
Para sa karagdagang pagkakakilanlan sa taong naaresto, maaari kang makipag-ugnayan sa hotline numbers ng Loreto MPS na 09125203104, dahil pinahahalagahan namin ang pangunahing tuntunin na ang isang akusado ay dapat ituring na inosente hanggang sa ang kanyang pagkakasala ay mapatunayan nang walang makatwirang pagdududa sa harap ng korte.
Ito ay naaayon sa process excellence perspective ng PNP P.A.T.R.O.L. Plano 2030 sa ilalim ng layunin sa pagpapabuti, pag-iwas at maagarang paglutas ng mga krimen. (ADSPPO/PIA-Agusan del Sur)
