4CMOBn misalmot sa bloodletting activity
BUTUAN CITY - Usa ka bloodletting activity ang gisalmotan sa mga personahe sa 4th Civil Military Operations (Kasaligan) Battalion (4CMOBn) nga gipangunahan sa executive officer nga si Lieutenant Colonel Jojo L. Mascariñas, niadtong Hunyo 14, 2023 sa Robinsons Mall, ning dakbayan.
Ang maong aktibidad gipahigayon sa Philippine Red Cross (PRC) Agusan del Norte-Butuan City Chapter isip pagsaulog sa World Blood Donor Day 2023 ug adunay tema nga “Give Blood, Give Plasma, Share Life, Share Often."
Nagtinguha usab kini nga madungagan ang pundo sa mga dugo sa blood bank aron daghan pang mga katawhan ang mahatagan ug higayon nga mabuhing malipayon kauban ang ilang minahal sa kinabuhi.
Ang pagsalmot sa mga personahe sa 4CMOBn nagpadayag sa ilang gugma sa nasud og katawhan, nga sa bisan unsang orasa, bisan asang dapita ang kasundaluhan naghatag ug importansiya sa matag kinabuhi sa tawo ug angayan lamang nga hatagan kinig higayon nga mabuhi. (4CMOBn/PIA-Caraga)
