(PAGASA 24-HOUR PUBLIC WEATHER FORECAST as of Friday, 19 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).


Monday, 5 June 2023

Magbabalaod suportado ang produktong kape sa Las Nieves 

LAS NIEVES, Agusan del Norte -- Gihingusgan sa lokal nga panggamhanan sa Las Nieves ang pagkampaya sa lokal nga produktong kape aron mapalapad pa ang market niini didto sa kaulohan.

Ang kampanya gipanguhanan mismo ni Mayor Karen Rosales asa pipila ka mga senador ug kongresista sa nasud ang unang gitanyagan sa maong produkto.

Gikan Mayo 29 hangtud 31, gibisita sa mayor ang mga buhatan nilang Senators Allan Peter Cayetano, JV Ejercito, Francis Tolentino, Lito Lapid ug Bong Go aron i-promote ang lokal nga produktong kape sa Las Nieves.

Gibisita usab sa mayor ang buhatan sa pipila ka mga kongresista, lakip na si Agusan del Norte nga si 1st District Rep. Jose “Joboy” Aquino II.

“Positibo ang nahimong responde sa atong mga senador ug kongresista kabahin sa produktong kape sa atong lungsod,” matud pa sa mayor.

Iyang gidugang nga ang mga magbabalaod nga nabisitahan mipadayag sa ilang suporta sa pagduso sa produktong kape sa Las Nieves aron makaabot ang market niini ngadto sa Metro Manila ug uban pang dapit sa Luzon.

“Nagpasalamat kita sa suporta sa atong mga lideres sa Kongreso ug Senado sa ilang pagdawat ug paghatag suporta sa atong produkto sa Las Nieves. Kini dakung tabang sa atong mga mag-uuma sa kape nga mapaabot sa hakapad nga merkado ang ilang produkto,” sumala pa ni Rosales. 

Ang lokal nga kape sa Las Nieves produkto sa mga mag-uuma sa kape sa Barangay Casiklan ilalum sa ilang organisasyon nga Casiklan Wheels Farmers Association, Inc. kon CAWFAI.

Niadtong Hulyo sa milabay nga tuig, pormal nga gi-turnover sa provincial government sa Agusan del Norte ug sa Department of Agriculture sa Caraga Region ang pinakaunang coffee processing center sa lungsod nga gidumalahan sa CAWFAI.

Pinaagi sa maong processing center, naseguro sa CAWFAI ang regular nga pag-produce sa lokal nga produktong kape nga maoy nag-una usab nga nakatabang sa mga mag-uumang miembro sa organisasyon.

Gidugang usab ni Rosales nga gawas sa pag-promote sa produktong kape, ang iyang pagbisita sa Senado ug sa Kongreso nagpunting usab sa pagkalap sa suporta sa mga senador ug kongresista alang sa mga nag-unang programa ug proyekto sa lungsod.

“Buot nato nga mapadali ang pag-aproba sa atong mga gisang-at nga mga programa ug proyekto alang sa atong lungsod ngadto sa kaulohan. Ang suporta sa atong mga senador ug kongresista mahinugdanon aron maseguro ang pagpa-aproba niini,” matud pa sa local chief executive.

Nag-una sa mga proyektong giduso sa mayor ang may kalabutan sa infrastructure, livelihood, social services, ug health nga alang sa kaayohan sa mga residente sa Las Nieves.

“Mapasalamaton kita sa nadawat natong suporta gikan sa atong mga senador ug kongresista ug malaumon kita nga mapadali ang pagproseso sa maong mga proyekto alang sa atong katawhan sa Las Nieves,” sumala pa ni Rosales. (LGU Las Nieves/PIA Agusan del Norte)