(PAGASA 24-HOUR PUBLIC WEATHER FORECAST as of Thursday, 13 June 2024) Easterlies affecting the eastern sections of Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).

Tuesday, May 16, 2023

Modernong gusali ng Philippine Red Cross sa Butuan, itinurn-over na

-- Galak at pasasalamat ng Philippine Red Cross (PRC) sa bagong itinurn-over na state-of-the-art facility, ang blood bank building ng Agusan del Norte-Butuan City chapter, ang kauna-unahan sa buong rehiyon ng Caraga kung saan umabot sa halagang five point six million pesos (P5.6 M) na suporta galing sa BDO Foundation, inc. upang maipatayo ito. Isa ito sa 32 blood bank center ng PRC sa buong bansa.

Ayon kay PRC Secretary General Gwendolyn Pang, ang Agusan del Norte-Butuan City chapter ay numero uno sa Caraga region sa paghahatid ng serbisyo sa sangkatauhan, aktibo at tumutulong upang mapaunlad ang kabataan, at volunteers sa kanyang nasasakupan.

Dahil sa bagong pasilidad, umaasa din si Secretary General Pang na mas lalo pang pagbutihin ng local chapter ang kanilang serbisyo, at dadami pa ang bilang ng kanilang matutulongan at mga volunteers.

Bilang chairperson din ng board of directors, masaya si Director Joanna Cuenca, at nangakong hindi titigil at mas pagbutihin pa ng local chapter ang kanilang serbisyo, tulong-tulong upang mas mabigyan ng maayos na serbisyo ang mga nangangailan sa probinsya ng Agusan del Norte, Butuan City at karatig lugar nito.

Umaasa ang Presidente ng BDO Foundation na si Mario Deriquito na mas maging matibay pa ang partnership ng PRC at BDO Foundation sa pagbibigay ng serbisyo.

Malaking pasalamat din ni Chapter Administrator Alger Boter sa bagong blood bank center, anya isa itong  pangarap na proyekto ng lokal chapter, na nagkatotoo dahil sa tulong ng BDO Foundation, Inc. (NCLM/PIA Agusan del Norte)