(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Wednesday, April 26, 2023

280 lumulupyo sa Carmen, Nasipit, nasweldoan ubos sa TUPAD

DAKBAYAN SA BUTUAN -- Mosuma sa 280 ka nga mga lumulupyo sa mga lungsod sa Carmen ug Nasipit, Agusan del Norte ang nakadawat sa ilang sweldo kaniadtong, Abril 24, ubos sa Tulong Pangkabuhayan sa Ating mga Disadvantaged/Displaced Workers (TUPAD) nga gipahiluna ni Kongresista Dale B. Corvera sa pakig-alayon sa Department of Labor and Employment (DOLE).

Ang 95 sa na-sweldoan karon mga lumulupyo sa Carmen ug ang laing 185, sa Nasipit.

Sila ang katapusan sa 1,431 tanan nga nakatrabaho ning ikaupat nga hugna sa TUPAD ug apil sa 3,641 na tanan nga nakatrabaho sa tibuok distrito sa 10 ka bulan.

Sa kinatibuk-an mokabat sa P21.35 milyones na ang naangkat sa kongresista gikan sa nasudnong pundo alang sa upat ka hugna sa TUPAD. Kini ang tinubdan sa gisweldo nga tag P350 ng adlaw sulod sa 15 ka adlaw nga trabaho o P5,250 nga sweldo matag usa.

Sa iyang mensahe, gipadayag ni Corvera nga alang kaniya, gamay ra gyod kaayo ang maong kantidad kumpara sa panginahanglan. Apan daku kini nga kantidad kung tibuk-on ang gipadangat ubos sa programa sa tibuok nasud.

"Bisan kung gamay ra kini,  nagpakita kini sa paninguha sa nasudnong panggamhanan nga makatabang paghupay sa kalisud. Niini, gipahinumdoman niya ang naka-sweldo karon nga unahon gyod sa mga galastuhan ang batakang panginahanglan sama sa bugas, pangsud-an, pang-eskwela," padayon nga tambag ni Corvera. 

Gipasabot usab sa kongresista  nga temporaryo lamang ang maong mga trabaho ubos ning maong programa, mao nga gipaninguha sa iyang buhatan nga daghan sa mahimong trabaho niiini nga mga hugna sa TUPAD makamugna og pundasyon alang sa sustenidong trabaho ug panginabuhian. 

Pahayag usab ni Corvera nga malampuson niyang naangkat ang pundo alang sa upat ka hugna sa TUPAD ug hapsay ang pagpadangat niini sa mga lungsod tungod kay hiniusa ang panglantaw ug lihuk sa mga opisyal gikan sa probinsya ug distrito, sa mga lungsod ug tali sa mga barangay.

Ang maong kahiusahan ang gipanghinaut sa kongresista nga magpadayon aron daghan pang mga proyekto ang hapsay nga mapatuman ug mapadangat ngadto sa labing daghan.    

Panapos ni Corvera niini nga mga payouts nga padayon siyang mangalap og dugang pang pundo aron padayon ug daghan pa ang matabangan sa TUPAD ug lain pang mga serbisyo sa distrito. (Agusan del Norte 2ndCongressional District Office/PIA Agusan del Norte)