Caraga sports competition, gisugdan na
Gawas sa mga panghinaut alang sa komportableng pagpuyo sa pipila ka adlaw sa syudad sa Cabadbaran nga gipadayag ni Mayor Amante isip tigdumala sa host city, gidasig usab ni Gob. Amante ang mga atleta nga mahimong pursigido sa pagkab-ot sa ilang damgo nga mahimong mananaug sa ilang sports.
Kinahanglang dili mo-surrender bisan sa mga kapakyasan sa ilang dula, dasig sa gobernador. Gihimo pang ehemplo sa gobernador ang sikat nga baskebolista nga si Michael Jordan. Sumala pa sa gobernador nga sa makadaghang higayon, napakyas si Jordan sa iyang mga dula. Apan ang maong mga kapakyasan ang nahimong hinungdan ngano nga nagmadaugon siya sa daghan usab niayang mga dula.
Sa iyang bahin, gilantaw ni Corvera nga mahimong regular program na unta ang pagpadagan sa sports development sa Caraga, dili panahon sa mga athletic meets lang aron mahimong komprehensibo ang padagan pag-develop og mga atleta, pagpahiluna og facilities ug paggahin og resources.
Pinasidunggang dinapit sa maong okasyon silap si DepEd Undersecretary for Infrasturcture and Facilities Epimaco Densing III ug Assistant Secretary for Field Operation Francis Cesar B. Bringas. (Agusan del Norte 2nd Congressional District Office/PIA Agusan del Norte)
