(PAGASA 24-HOUR PUBLIC WEATHER FORECAST as of Thursday, 13 June 2024) Easterlies affecting the eastern sections of Southern Luzon, Visayas, and Mindanao. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southwest to Southeast will prevail with slight to moderate seas (0.6 to 2.1 meters).


Tuesday, April 25, 2023

Pondo sa TUPAD sa Agnor, gobernador mapasalamaton sa kongresista

DAKBAYAN SA BUTUAN -- Daku ang pagpasalamat ni Agusan del Norte Provincial Governor Ma. Angelica Rosedell M. Amante ngadto kang 2nd District Representative, Kong. Dale B. Corvera sa iyang kakugi, pagpaningkamot ug pagpahiluna didto sa kongreso aron makakuha og pundo alang sa programang Tulong Pangkabuhayan sa Ating mga Disadvantaged/Displaced Workers (TUPAD) sa Department of Labor and Employment (DOLE).

Base sa taho sa buhatan sa ikaduhang distrito sa Agusan del Norte, mokabat sa Php21.35 milyones ang kinatibuk-ang naangkat ni Kongresista Dale Corvera gikan sa nasudnong panudlanan sa upat ka hugna sa TUPAD pay-out sulod sa iyang termino. Sa pagkakaron, mosuma sa 3,641 ka mga benepisyaryo ang nakadawat ug nakapahimulos sa nasangpit nga programa. 

“Thank you gyud kaayo (Cong.) Gov. Dale, thank you gyud kaayo. Permi ko nagpasalamat kay Gov. Dale ani kay kung wala nagkugi si Gov. Dale, wala tay mga TUPAD all over Agusan del Norte” sumala pa ni Gov. Angel Amante. 

“Ang TUPAD, programa ni sa atong National Government nga gipaagi pud ni sa atong Kongresista, so tanan TUPAD all over Agusan del Norte, pagpaningkamot gyud ni sa atong Congressman. So thank you gyud kaayo Gov Dale for doing this sa atong entire Agusan” sinsirong paambit ni Gob. Angel Amante ngadto kay Kong. Dale Corvera.

Sa ika-upat nga hugna sa TUPAD pay-out, nakadawat ang laing 71 ka residente sa lungsod sa RTR kagahapon, Abril 18 sa ilang sweldo nga Php5,250 o tag 350 kada adlaw matag usa sulod sa 15 ka adlaw nga ilang gitrabaho. 

Sumala pa ni Kong. Dale Corvera, tumong niini nga programang TUPAD nga makatrabaho ang mga Agusanons subay sa prinsipyo nga gipatuman sa programang AGUSAN UP!, diin tutukan niini ang pang-ekonomikanhong trabaho aron mag silbi nilang tinubdan o pundasyon alang sa mas sustenidong trabaho ug panginabuhian.

Dugang ni Kong. Corvera, usa lamang kini sa walay babag nga lakang nga gibuhat sa goberno nga nahimong bunga sa pagpaningkamot sa hiniusang liderato sa kongreso, probinsya, mga lungsod ug mga barangay sa lalawigan sa Agusan del Norte. (Karen Decamotan, PLGU Agusan del Norte/PIA Agusan del Norte)