(PAGASA 24-HOUR PUBLIC WEATHER FORECAST as of Tuesday, 25 June 2024) Southwest Monsoon affecting the western sections of Southern Luzon and Visayas. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from Southeast to South will prevail with slight to moderate seas (0.6 to 2.1 meters).


Friday, April 28, 2023

DPWH Caraga nag turnover og pasilidad sa Cambinliw Elem. School sa Loreto 

SAN JOSE, Dinagat Islands -- Usa ka pasilidad ang gi-turn over sa Department of Public Works and Highways ngadto sa Cambinliw Elementary School niadtong Abril 27, 2023 lungsod sa Loreto, Dinagat Islands.

Ang maong pasilidad usa ka unit kini nga field/quarters (school building type) nga adunay toilet ug bathroom nga gihimong field office, laboratory, ug living quarters building para sa mga engineer nga maoy naglihok sa on-going project nga usa ka access road padulong sa Loreto Landing Site/Campintac Black Beach No.2 (Bridge along Santiago-Panamaon Section) ubos sa kontrata sa A.T. Dumlao Construction Inc. 

Ang maong pasilidad aduna usab dugang nga usa ka-set nga double deck, mattress ug mga unlan, ug usa ka-set nga double burner stove ug gas tank. 

Nasabutan nga ang temporary Satellite Office, itukod nalang sulod sa eskwelahan aron pwede kini maturn over ug mapuslan sa mga estudyante nga mahimo kining dugang classroom. 

Matod pa ni Mayor Doandre Ladaga dako kini nga tabang sa CES nga nakasinati sa hagupit sa niaging Super Typhoon  Odette niadtong tuig 2021 nga adunay nangaguba nga classrooms.

Gawas niini, gipaabot usab sa mayor ang iyang mensahe sa seremonya nga hatagan sa LGU og pagtagad ang pagrepair sa CES School Gym ug kisame sa stage.

"Padayon, mga kabatan-unan, sa pagpaningkamot sa pagskwela kay ang inyong mga magtutudlo ug mga ginikanan naningkamot usab aron mahatagan kamo ug maayong kaugmaon, " dugang pa ni Ladaga.

Ang pag turn over gitambungan usab ni  Municipal Administrator Engr. Joy Conales, Sangguniang Bayan member Jhosua Luib, Cambinliw School Head Lemoncito Daytoc, School Principal Jean Caluyong ug sila Allan D. Espina, Cherrylane Perocillo ug Renie Calaclan nga mga representante sa A.T. Dumlao Construction Inc. (MIO- Loreto/ PIA- Dinagat Islands)