(PAGASA 24-HOUR PUBLIC WEATHER FORECAST as of Friday, 24 May 2024) ๐—ง๐—ฟ๐—ผ๐—ฝ๐—ถ๐—ฐ๐—ฎ๐—น ๐—–๐˜†๐—ฐ๐—น๐—ผ๐—ป๐—ฒ #AghonPH ๐—ฎ๐—ณ๐—ณ๐—ฒ๐—ฐ๐˜๐—ถ๐—ป๐—ด ๐˜€๐—ฒ๐˜ƒ๐—ฒ๐—ฟ๐—ฎ๐—น ๐—ฝ๐—ฎ๐—ฟ๐˜๐˜€ ๐—ผ๐—ณ ๐— ๐—ถ๐—ป๐—ฑ๐—ฎ๐—ป๐—ฎ๐—ผ. ๐‹๐จ๐œ๐š๐ญ๐ข๐จ๐ง ๐จ๐Ÿ ๐„๐ฒ๐ž/๐œ๐ž๐ง๐ญ๐ž๐ซ: at 5:ooam this morning, at 340 km East of Hinatuan, Surigao del Sur (08.6 °N, 129.4 °E ) ๐Œ๐จ๐ฏ๐ž๐ฆ๐ž๐ง๐ญ: Moving West Northwestward at 30 km/h ๐’๐ญ๐ซ๐ž๐ง๐ ๐ญ๐ก: Maximum sustained winds of 45 km/h near the center and gustiness of up to 55 km/h ๐–๐ข๐ง๐ ๐’๐ข๐ ๐ง๐š๐ฅ: as of 05:00am TCWS no.1 Dinagat Islands, Siargao Islands, and Bucas Grande Islands.


Thursday, 9 March 2023

Buenavistahanon nag-top sa Forester licensure exam

DAKBAYAN SA BUTUAN -- Usa ka residente sa lungsod sa Buenavista, Agusan del Norte ang nahimong First Place sa pinaka-ulahing Forester Licensure Examination sa tibook Pilipinas. 

Pinaagi sa usa ka resolusyon, gipadayag sa Panggamhanang Probinsyal ang pagdayeg kang Regein Gonzaga Calunsag, nanimuyo sa Barangay Agong-ong, Buenavista sa pagsakmit sa unang luna sa eksaminasyon sa mga foresters sa rating nga 92.95%. Niadtong tungura 1,116 lamang ang nipasar sa 2,034 nga mikuha sa maong eksaminasyon sa tibook nasod nga gihimo niadtong Oktubre 26-27, 2022. 

Luyo pa man matod pa nga nag self-review lamang siya isip pagpangandam sa eksaminasyon, nahimong pursigido matod pa siya nga mahimong forester. 

Si Regein, mi gradwar sa Central Mindanao University sa Maramag, Bukidnon isip Cum Laude niadtong Hunyo 2022 ug nagsubsob sa pagtuon sa iyang kaugalingon tungod kay niadtong mga tuig 2019 hangtod 2021, distant mode of learning man ang gipatuman sa Department of Education (DepEd) sa tanang mga tulunghaan aron paglikay sa pagkaylap sa COVID-19. 

Ang maong dalaga, kinamaguwangan sa pamilya ug iyang inahan usa ka Overseas Filipino Worker (OFW) ug ang iyang amahan usa ka construction worker. 

Ang pagdayeg kang Calunsag gipaagi sa Provincial Resolution No. 081-2023 nga gipadayag sa mga miyembro sa Sangguniang Panlalawigan sa liderato ni Bise Gobernador Enrico Corvera lakip na si Gobernador Angel Amante tungod sa garbo ug dungog nga gihatag niini dili lamang sa lungsod sa Buenavista, apan sa probinsya sa Agusan del Norte. 

Ang nasangpit nga resolusyon gipangamahanan ni Bokal Rodulfo A. Pitogo ug gi-aprobahan sa Sangguniang Panlalawigan sa ika-28 nga sesyon regular niini. (JV Demain, PLGU Agusan del Norte/PIA Agusan del Norte)